வாக்குச் சாவடி அலுவலர் பயிற்சி ஒத்திவைப்பு

சிவகங்கை, அக். 8: உள்ளாட்சித் தேர்தலில் பணியாற்றவுள்ள வாக்குச்சாவடி அலுவலர்களுக்கு திங்கள்கிழமை (அக். 10) பயிற்சி வகுப்புகள் நடைபெறுவதாக இருந்தது. அந்த பயிற்சி வகுப்பு அக்டோபர் 11-ம் தேதிக்கு ஒத்திவைக்கப்பட்டுள்ளது.

 காலாண்டுத் தேர்வு விடுமுறை முடிந்து பள்ளிகள் 10-ம் தேதிதான் திறக்கப்படுகின்றன. எனவே, பயிற்சி வகுப்புகள் அக்டோபர் 11-ம் தேதி (செவ்வாய்க்கிழமை) நடைபெறும். வாக்குச் சாவடிக்கு நியமனம் செய்யப்பட்ட அலுவலர்கள், ஆசிரியர்கள் பயிற்சியில் கலந்துகொள்ள வேண்டும் என்று சிவகங்கை மாவட்ட ஆட்சியரின் நேர்முக உதவியாளர் (தேர்தல்) சர்புதீன் தெரிவித்தார்.