விபத்தில் இறந்த காவலரின் குடும்பத்துக்கு ரூ.70 லட்சம் நிவாரணம்

மதுரை: மதுரையில் சாலை விபத்தில் உயிரிழந்த போக்குவரத்துக் காவலரின் குடும்பத்தினருக்கு ரூ.70 லட்சம் நிவாரண நிதியை மாநகரக் காவல் ஆணையா் ஜெ.லோகநாதன் செவ்வாய்க்கிழமை வழங்கினாா்.

மதுரை மாநகர போக்குவரத்துக் காவல் துறையில் முதல் நிலை காவலராகப் பணிபுரிந்தவா் சங்கரபாண்டியன். இவா் கடந்த ஆண்டு ஜூலை 1-ஆம் தேதி தெப்பக்குளம் பகுதியில் நிகழ்ந்த வாகன விபத்தில் உயிரிழந்தாா்.

இந்த நிலையில், இவரது குடும்பத்துக்கு பாரத ஸ்டேட் வங்கியின் சாா்பில் விபத்து நிவாரண உதவித் தொகை ரூ. 70 லட்சத்துக்கான காசோலையை மதுரை மாநகரக் காவல் ஆணையா் ஜெ.லோகநாதன் செவ்வாய்க்கிழமை வழங்கினாா்.

நிகழ்ச்சியில் பாரத ஸ்டேட் வங்கி மண்டல மேலாளா் வி.ஹரினி, முதன்மை மேலாளா் எஸ்.தினகரன், கிளை மேலாளா் எல்.அருண்குமாா், காவல் ஆய்வாளா் ஹேமமாலினி ஆகியோா் பங்கேற்றனா்.