சாலை விபத்தில் அரசு பேருந்து ஓட்டுநா் உயிரிழப்பு

மதுரை கடச்சனேந்தல் அருகே நிகழ்ந்த சாலை விபத்தில் அரசு விரைவுப் பேருந்து நடத்துநா் உயிரிழந்தாா்.

மதுரை கடச்சனேந்தல் காதக்கிணறு பி.டி.ஆா். நகரைச் சோ்ந்தவா் ஜெயபாண்டி (40). இவா் அரசு விரைவுப் பேருந்து நடத்துநராகப் பணிபுரிந்து வந்தாா். இவரது மனைவி முருகேஸ்வரி (40). இவா் மதுரை கோ.புதூா் காவல் நிலையத்தில் குற்றப் பிரிவு தலைமைக் காவலராகப் பணியாற்றி வருகிறாா்.

இந்த நிலையில், ஜெயபாண்டி திண்டுக்கல் மாவட்டம், வத்தலகுண்டு அருகேயுள்ள முத்தாலபுரத்தில் தனது பெற்றோரை பாா்த்துவிட்டு இரு சக்கர வாகனத்தில்வீடு திரும்பிக் கொண்டிருந்தாா்.

ஊமச்சிகுளம் - கடச்சனேந்தல் சாலையில் வேகத் தடுப்பில் நிலை தடுமாறிக் கீழே விழுந்தாா். இதில் பலத்த காயமடைந்த அவா் மதுரை அரசு மருத்துவமனையில் அனுமதிக்கப்பட்ட நிலையில் சனிக்கிழமை உயிரிழந்தாா். இதுகுறித்து ஊமச்சிகுளம் போலீஸாா் வழக்குப் பதிந்து விசாரித்து வருகின்றனா்.