ஒட்டன்சத்திரம் அருகே பெண்ணைக் கேலி செய்தவர் கைது

திண்டுக்கல் மாவட்டம் ஒட்டன்சத்திரம் அருகே பெண்ணைக் கேலி செய்தவரை அம்பிளிக்கை போலீஸார் புதன்கிழமை கைது செய்தனர்.
 ஒட்டன்சத்திரத்தை அடுத்துள்ள சிந்தலப்பட்டியைச் சேர்ந்த மாரிமுத்து மனைவி செல்வி (38). இவர் செவ்வாய்க்கிழமை அம்பிளிக்கை பேருந்து நிலையம் அருகே அதே ஊரைச் சேர்ந்த கண்ணம்மாள், கோமதி ஆகியோருடன் நின்று கொண்டு இருந்தாராம். அப்போது சிந்தலப்பட்டியைச் சேர்ந்த திருமலைசாமி மகன் மணிகண்டன் (40), செல்வியை பார்த்து கேலி செய்துள்ளார். இதுகுறித்து மாரிமுத்து அம்பிளிக்கை காவல் நிலையத்தில் புதன்கிழமை புகார் செய்தார். அதன்பேரில் போலீஸார் வழக்குப்பதிவு செய்து மணிகண்டனை கைது செய்தனர்.