கொடைக்கானல் சின்னமாரியம்மன் கோயிலில் பூக்குழி திருவிழா

கொடைக்கானலில் அமைந்துள்ள சின்னமாரியம்மன் கோயிலில் ஐயப்ப பக்தர்கள் சார்பில், பூக்குழி இறங்கும் விழா ஞாயிற்றுக்கிழமை நடைபெற்றது.
கொடைக்கானல் டர்னர்புரம் பகுதியிலுள்ள இக் கோயிலில் 18 ஆம் ஆண்டாக ஐயப்ப பக்தர்கள் சார்பில் நடைபெற்ற பூக்குழி இறங்கும் நிகழ்ச்சியை முன்னிட்டு, அம்மனுக்கு சிறப்பு அலங்காரம் செய்யப்பட்டு, பல்வேறு பூஜைகள் நடத்தப்பட்டன. தொடர்ந்து, கொடைக்கானல் பகுதிகளைச் சேர்ந்த ஐயப்ப பக்தர்கள் 70-க்கும் மேற்பட்டோர் பூக்குழி இறங்கினர். இதில், ஏராளமான பக்தர்கள் கலந்துகொண்டனர்.