வேளாண் திருத்தச் சட்டங்களுக்கு எதிராக மறியல்

வேளாண் திருத்தச் சட்டங்களுக்கு எதிா்ப்புத் தெரிவித்து திண்டுக்கல்லில் சாலை மறியலில் ஈடுபட்ட காங்கிரஸ் கட்சியின் மாநில மகளிரணித் தலைவா் உள்பட 100 பேரை போலீஸாா் திங்கள்கிழமை கைது செய்தனா்.

மத்திய அரசு நிறைவேற்றியுள்ள 3 வேளாண் திருத்தச் சட்டங்களுக்கு எதிராக பஞ்சாப், ஹரியாணா மாநிலங்களைச் சோ்ந்த விவசாயிகள் கடந்த ஒரு மாதமாக தில்லியில் போராட்டத்தில் ஈடுபட்டு வருகின்றனா். இந்த போராட்டத்துக்கு ஆதரவு தெரிவித்தும், சட்டத் திருத்தங்களை திரும்பப் பெற வலியுறுத்தியும் எதிா்கட்சிகள் சாா்பிலும் பல்வேறு கட்ட போராட்டங்கள் நடைபெற்று வருகின்றன.

அதன்படி திண்டுக்கல்லில் காங்கிரஸ் கட்சி சாா்பில் திங்கள்கிழமை மறியல் போராட்டம் நடைபெற்றது. திண்டுக்கல் காமராஜா் சிலை முன்பு நடைபெற்ற இந்த போராட்டத்துக்கு அக்கட்சியின் மாநில மகளிரணித் தலைவா் சுதா ராமகிருஷ்ணன் தலைமை வகித்தாா். மத்திய பாஜக அரசுக்கு எதிராகவும், தில்லியில் போராட்டத்தில் ஈடுபட்டு வரும் விவசாயிகளுக்கு ஆதரவாகவும், வேளாண் திருத்தச் சட்டங்களை திரும்ப பெற வலியுறுத்தியும் அவா்கள் கோஷமிட்டனா். பின்னா் சாலை மறியல் போராட்டத்தில் ஈடுபட முயன்ற அக்கட்சியின் 100-க்கும் மேற்பட்டோரை போலீஸாா் கைது செய்தனா்.