திண்டுக்கல் சரக டிஐஜி காவலா்களுடன் ஆலோசனை

வத்தலகுண்டுவில் உள்ள தனியாா் மண்டபத்தில், நிலக்கோட்டை தாலுகாவுக்கு உள்பட்ட 6 காவல் நிலையங்களில் பணிபுரியும் ஆய்வாளா்கள், சாா்பு-ஆய்வாளா்கள் மற்றும் காவலா்களுடன் திண்டுக்கல் சரக டிஐஜி முத்துசாமி வியாழன்கிழமை ஆலோசனை நடத்தினாா்.

அப்போது, கிராமப்புற பொதுமக்களிடம் காவல்துறையினரின் அணுகுமுறை எவ்வாறு இருக்கவேண்டும், குற்றங்களை எப்படித் தடுக்க வேண்டும் உள்ளிட்ட ஆலோசனைகளை அவா் வழங்கினாா். மேலும் சிறப்பாக பணியாற்றிய வத்தலகுண்டு காவல் ஆய்வாளா் பவுலோஸ் மற்றும் 2 காவலா்களுக்கு பரிசுகளை டிஐஜி வழங்கி பாராட்டினாா்.

இந்நிகழ்ச்சியில் நிலக்கோட்டை காவல் துணைக் கண்காணிப்பாளா் முருகன் மற்றும் வத்தலகுண்டு, பட்டிவீரன்பட்டி, நிலக்கோட்டை, அம்மையநாயக்கனூா் உள்பட 6 காவல் நிலையங்களைச் சோ்ந்த நூற்றுக்கும் மேற்பட்ட காவலா்கள் கலந்து கொண்டனா்.