தோ்தல் புறக்கணிப்பு அறிவிப்புகள் மீது அதிகாரிகள் கவனம் செலுத்த வேண்டும்

திண்டுக்கல்: தோ்தல் புறக்கணிப்பு அறிவிப்புகள் மீது கூடுதல் கவனம் செலுத்தி அந்த மக்களின் கோரிக்கைக்குத் தீா்வு காண முயற்சிக்க வேண்டும் என தோ்தல் பொதுப் பாா்வையாளா் பிரபுலிங் கவாலிட்டி அறிவுறுத்தினாா். மக்களவைத் தோ்தலை முன்னிட்டு, உதவித் தோ்தல் நடத்தும் அலுவலா்கள், கண்காணிப்பு அலுவலா்கள் உள்ளிட்டோருடன் திண்டுக்கல் மாவட்ட ஆட்சியா் அலுவலகத்தில் ஆய்வுக் கூட்டம் நடைபெற்றது.

மாவட்டத் தோ்தல் அலுவலரும், ஆட்சியருமான மொ.நா.பூங்கொடி தலைமையில் நடைபெற்ற இந்தக் கூட்டத்துக்கு, தோ்தல் பொதுப் பாா்வையாளா் பிரபுலிங் கவாலிகட்டி, தோ்தல் செலவின கணக்கு பாா்வையாளா் ஜரோன்தே விஷால் தஷேரத், காவல்துறை பாா்வையாளா் மனோஜ்குமாா் ஆகியோா் முன்னிலை வகித்தனா்.

அப்போது பொதுப் பாா்வையாளா் பிரபுலிங் கவாலிட்டி பேசியதாவது:

தோ்தல் பணியில் ஈடுபடும் அலுவலா்களும், கண்காணிப்புப் பணியில் ஈடுபடும் அலுவலா்களும் சந்தேகத்துக்கு இடமளிக்காத வகையில் சிறப்பாக பணியாற்ற வேண்டும். பாரபட்சமின்றி செயல்படக் கூடிய நபா்கள் தோ்தலில் வெற்றிப் பெற்று, நாட்டின் வளா்ச்சிக்கு பங்களிப்பதற்கான வாய்ப்பை அரசு ஊழியா்கள் உருவாக்கிக் கொடுப்பாா்கள் என்ற நம்பிக்கையிலேயே, தோ்தல் ஆணையம் இந்த பொறுப்பை அரசு ஊழியா்களிடம் ஒப்படைத்துள்ளது.

மாவட்டத் தோ்தல் அலுவலா் முதல் ‘குரூப்’ டி பிரிவு பணியாளா்கள் வரை, ஒவ்வொருவருக்கும் ஒரு பொறுப்பு உள்ளது.

தோ்தலின்போது அதிகபட்சமான வாக்காளா்கள் வாக்களிப்பதை, தோ்தல் பணியில் ஈடுபடும் அலுவலா்கள் உறுதி செய்ய வேண்டும். தோ்தல் புறக்கணிப்பு அறிவிக்கப்பட்ட இடங்களில், அந்த மக்களை சந்தித்து அவா்களுக்கான குறைகளைத் தீா்ப்பதற்கும், அவா்கள் வாக்களிப்பதற்கான அனைத்து நடவடிக்கைகளையும் அதிகாரிகள் மேற்கொள்ள வேண்டும்.

திருமணம், பிறந்த நாள் விழா உள்ளிட்ட அனைத்து தனியாா் நிகழ்ச்சிகள் நடைபெறும் இடங்களிலும் கண்காணிப்பில் ஈடுபட வேண்டும். இதுபோன்ற சந்தா்ப்பங்களை பயன்படுத்தி தோ்தலுக்காக பரிசுப் பொருள்கள் வழங்குவதைத் தடுக்க வேண்டும். வங்கி பணப் பரிவா்த்தனைகளை முழுமையாக ஆய்வு செய்ய வேண்டும் என்றாா் அவா்.

பதிலளிக்கத் தடுமாறிய அலுவலா்:

நிலக்கோட்டை சட்டப்பேரவைத் தொகுதியில் மட்டும் தோ்தல் தேதி அறிவிக்கப்பட்ட 72 மணி நேரத்தில், நடத்தை விதிமுறைகளை மீறியதாக 185 வழக்குகள் பதிவு செய்யப்பட்டுள்ளன. இதேபோல, பிற தொகுதிகளில் ஏன் நடவடிக்கை எடுக்கவில்லை என தோ்தல் பாா்வையாளா் கேள்வி எழுப்பினாா்.

இதைப் புரிந்து கொள்ள முடியாமல், அந்தத் தொகுதி உதவித் தோ்தல் அலுவலா் பதிலளிக்கத் தடுமாறினாா். இதையடுத்து, மாவட்ட ஊரக வளா்ச்சி முகமையின் திட்ட இயக்குநரும், தோ்தல் கண்காணிப்பு அலுவலருமான பெ.திலகவதி, தோ்தல் விதிமுறை மீறல்கள் தொடா்பாக மேற்கொள்ளப்பட்ட நடவடிக்கைகள் குறித்து விளக்கம் அளித்தாா்.