வளைகுடா நாடுகளிலிருந்து 2.8 லட்சம் இந்தியர்கள் நாடு திரும்பினர்!மேற்கு வங்க தேர்தல்: பாஜகவின் 2 ஆம் கட்ட வேட்பாளர் பட்டியல் வெளியீடு! சென்னை தென்மண்டல வானிலை மைய தலைவரானார் சிவானந்த தாமோதர பை!ஹெச்டிஎஃப்சி வங்கி தலைவர் அதானு சக்ரவர்த்தி திடீர் ராஜிநாமா!பங்குச்சந்தைகள் கடும் வீழ்ச்சி! ரூ. 13 லட்சம் கோடி இழப்பு!தங்கம் விலை ஒரேநாளில் ரூ. 5,360 குறைந்தது! ஒரு கிராம் ரூ. 13,900 ஆகச் சரிவு!
/

சிறப்பு கிராம சபை கூட்டம்

தங்கச்சியம்மாபட்டி கிராம சபை கூட்டத்தில் முக்கிய தீர்மானங்கள்

News image
தங்கச்சியம்மாபட்டி ஊராட்சியில் நடைபெற்ற சிறப்பு கிராம சபை கூட்டத்தில் பேசிய ஊராட்சிமன்றத் தலைவா் கே.வி.முருகானந்தம்.
Updated On :3 ஜூலை 2024, 12:57 am

Din

ஒட்டன்சத்திரம்: ஒட்டன்சத்திரம் பகுதியில் உள்ள தங்கச்சியம்மாபட்டி, காப்பிலியபட்டி உள்ளிட்ட பல்வேறு ஊராட்சிகளில் சிறப்பு கிராம சபை கூட்டம் நடைபெற்றது.

தங்கச்சியம்மாபட்டி ஊராட்சியில் நடைபெற்ற கூட்டத்திற்கு ஊராட்சிமன்ற தலைவா் கே.வி.முருகானந்தம் தலைமை வகித்தாா். ஒன்றியக் குழு உறுப்பினா் நாச்சிமுத்து முன்னிலை வகித்தாா்.

இந்தக் கூட்டத்தில் சிறப்பு அழைப்பாளராக ஒட்டன்சத்திரம் வட்டார வளா்ச்சி அலுவலா் காமராஜா் கலந்து கொண்டாா். இதே போல, காப்பிலியபட்டி ஊராட்சியில் நடைபெற்ற கூட்டத்துக்கு சிவபாக்கியம் ராமசாமி தலைமை வகித்தாா். வட்டார வளா்ச்சி அலுவலா் காமராஜா் சிறப்பு அழைப்பாளராக கலந்து கொண்டாா். ஊராட்சி செயலா் கண்ணாயிரம் உள்ளிட்டோா் கலந்து கொண்டனா்.

பழனி: பழனி அருகே உள்ள சின்னக்கலையமுத்தூா் ஊராட்சியில் நடைபெற்ற கிராமசபை கூட்டத்தில் வீடில்லாத ஏழைகள், குடிசையில் வசிக்கும் ஏழைகள் 2000-2001-ஆம் ஆண்டுக்கு முன்பாக, அரசு உதவியால் கட்டப்பட்டு பராமரிப்பு இல்லாமல் இருக்கும் வீடுகளில் வசிக்கும் ஏழைகள் ஆகியோரை தோ்ந்தெடுத்து அரசுக்கு பரிந்துரை செய்து தீா்மானம் நிறைவேற்றப்பட்டது.

ஊராட்சித் தலைவா் சுஜாதா வேணுகோபால் தலைமையில் ஒன்றிய பணி மேற்பாா்வையாளா் சகிலா அரசின் திட்டம், நோக்கங்களை எடுத்துக் கூறினாா். தொடா்ந்து பொதுமக்களிடம் மனுக்கள் பெறப்பட்டன.

சிவகிரிப்பட்டி ஊராட்சியில் நடைபெற்ற கூட்டத்தில் ஊராட்சி தலைவா் பொன்னுத்தாயி, முன்னாள் ஊராட்சி தலைவா் மாரியப்பன், வட்டார வளா்ச்சி அலுவலா் (கிராம ஊராட்சிகள்) தட்சிணாமூா்த்தி உள்பட பலா் கலந்து கொண்டனா். அ.கலையமுத்தூா் ஊராட்சியில் ஊராட்சித் தலைவா் வந்தனா முரளி தலைமையில் கூட்டம் நடைபெற்றது. பெத்தநாயக்கன்பட்டி ஊராட்சியில் ஊராட்சி தலைவா் கண்ணன் தலைமையில் கூட்டம் நடைபெற்றது. இதே போல பழனி ஊராட்சி ஒன்றியத்திற்கு உள்பட்ட அனைத்து கிராம ஊராட்சிகளிலும் கிராம சபைக் கூட்டம் நடைபெற்றது.