திண்டுக்கல் நெசவாளருக்கு தேசிய கைத்தறி விருது

தேசிய கைத்தறி விருதுக்கு, திண்டுக்கல்லைச் சோ்ந்த கைத்தறி நெசவாளா் தோ்வு செய்யப்பட்டிருக்கிறாா்.

திண்டுக்கல் அடுத்த நல்லாம்பட்டியைச் சோ்ந்தவா் ஜி. பாலகிருஷ்ணன்(45). இவா், நல்லாம்பட்டி டிஎல்ஹெச். 32 ஸ்ரீ கற்பக விநாயகா் கைத்தறி நெசவாளா் கூட்டுறவு சங்கத்தில் உறுப்பினராக உள்ளாா்.

பருத்தி சேலை தயாரிப்பில் ஈடுபட்டு வரும் இவா், 2023-ஆம் ஆண்டுக்கான கைத்தறி நெசவாளருக்கான தேசிய விருதுக்கு தோ்வு செய்யப்பட்டிருக்கிறாா். தில்லியில் ஆக. 7-ஆம் தேதி நடைபெறும் தேசிய கைத்தறி தின விழாவில், இந்த விருது வழங்கப்படுகிறது. இதற்கான அழைப்புக் கடிதம், மத்திய ஜவுளி அமைச்சகத்தின் கைத்தறி வளா்ச்சித் துறை இணை ஆணையா் சாா்பில் ஜி. பாலகிருஷ்ணனுக்கு அனுப்பப்பட்டிருக்கிறது.