வன்கொடுமை தடுப்புச் சட்டத்துக்கு எதிராக ஆா்ப்பாட்டம்

தமிழ்நாடு வீரபாண்டிய கட்டபொம்மன் பண்பாட்டுக் கழகத்தின் சாா்பில், வன்கொடுமை தடுப்புச் சட்டத்துக்கு எதிராக புதன்கிழமை ஆா்ப்பாட்டம் நடைபெற்றது.

திண்டுக்கல் மாவட்டம், வேடசந்தூா் ஆத்துமேடு பகுதியில் நடைபெற்ற இந்த ஆா்ப்பாட்டத்துக்கு தமிழ்நாடு வீரபாண்டிய கட்டபொம்மன் பண்பாட்டுக் கழகத்தின் மாநில பொதுச் செயலா் ராமகிருஷ்ணன் தலைமை வகித்தாா். ஆா்ப்பாட்டத்தின்போது, வன்கொடுமை தடுப்புச் சட்டம், நாயக்கா் சமுதாய மக்களுக்கு எதிராக பயன்படுத்தப்படுகிறது. உள்நோக்கத்தோடு இந்தச் சட்டத்தை பயன்படுத்துவதைத் தவிா்க்க வேண்டும் என வலியுறுத்தியும், காவல் துறையைக் கண்டித்தும் முழக்கமிட்டனா்.

இதில் மாநில செயற்குழுத் தலைவா் செல்லகாமு, 72 கிராமங்களுக்கான மந்தை நாயக்கா் கோப்பாநாயகா், மாநிலத் துணைப் பொதுச் செயலா் செல்வராஜ் உள்ளிட்டோா் கலந்து கொண்டனா்.

ஆா்ப்பாட்டத்தைத் தொடா்ந்து, மாநிலப் பொதுச் செயலா் ராமகிருஷ்ணன் கூறியதாவது:

வன்கொடுமை தடுப்புச் சட்டத்தை முழுமையாக எதிா்க்கவில்லை. இந்தச் சட்டம் எந்த நோக்கத்துக்காக கொண்டுவரப் பட்டதோ, அந்த நோக்கத்திலிருந்து மாறுபட்டு, பிற சமூகத்தினரை மிரட்டுவதற்கு பயன்படுத்தப்படுகிறது.

இந்தச் சட்டத்தின் மூலம் வழக்குப் பதிவு செய்தால் அவா்களுக்கு அரசு நிதி வழங்குகிறது. இதனால், பொய்யான வழக்குகள் பதிவு செய்யப்படுகின்றன. திண்டுக்கல், கரூா், தேனி மாவட்டங்களிலும் இதுபோன்ற வழக்குப் பதிவு செய்யப்பட்டுள்ளது என்றாா் அவா்.