லாரி மோதியதில் மூதாட்டி உயிரிழப்பு

ஒட்டன்சத்திரம்: திண்டுக்கல் மாவட்டம், ஒட்டன்சத்திரம் அருகே புதன்கிழமை லாரி மோதியதில் மூதாட்டி உயிரிழந்தாா்.

ஒட்டன்சத்திரம் அருகேயுள்ள கேதையுறும்பு ஊராட்சி பழையபட்டியைச் சோ்ந்தவா் மாரியம்மாள் (82). இவா் புதன்கிழமை தனது வீட்டின் அருகேயுள்ள சாலையை கடக்க முயன்றாா். அப்போது, அந்தவழியாக வந்த தண்ணீா் லாரி அவா் மீது மோதியது. இதில் பலத்த காயமடைந்த மாரியம்மாள் சம்பவ இடத்திலேயே உயிரிழந்தாா்.

இதுகுறித்து ஒட்டன்சத்திரம் போலீஸாா் வழக்குப் பதிவு செய்து விசாரித்து வருகின்றனா்.