கொடைக்கானலில் மிதமான மழை

கொடைக்கானலில் செவ்வாய்க்கிழமை மிதமான மழை பெய்தது.

திண்டுக்கல் மாவட்டம், கொடைக்கானலில் அவ்வப்போது லேசான சாரலும், மிதமான மழையும் பெய்து வருவதால் நகா்ப் பகுதிகளில் குளுமையான சீதோஷ்ண நிலை நிலவி வருகிறது. இந்த நிலையில், ஓணம் பண்டிகை (புதன்கிழமை) விடுமுறையை முன்னிட்டு கொடைக்கானலுக்கு பல்வேறு இடங்களிலிருந்து வந்திருந்த சுற்றுலாப் பயணிகளின் வருகை கணிசமாக அதிகரித்து காணப்பட்டது.

காலை முதல் மிதமான வெயில் இருந்துவந்த நிலையில் பிற்பகலில் திடீரென மேக மூட்டம் நிலவி, மிதமான மழையும் பெய்தது. இந்த மழையானது கொடைக்கானல் பகுதிகளான வட்டக்கானல், அட்டக்கடி, சிட்டி வியூ, செண்பகனூா், பிரகாசபுரம் ஆகிய பகுதிகளில் சுமாா் 30 நிமிடங்கள் பெய்தது. இதனால் இதமான சூழல் நிலவியது.