ரோஜா, காய்கறி தோட்டம் அமைத்தவா்களுக்கு பரிசு

கொடைக்கானலில் காய்கறித் தோட்டம்,ரோஜாத் தோட்டம் சிறப்பாக அமைத்தவருக்கு வியாழக்கிழமை பரிசு வழங்கப்பட்டது.

திண்டுக்கல் மாவட்டம், கொடைக்கானலில் 63-ஆவது மலா்க்கண்காட்சியை முன்னிட்டு தோட்டக்கலைத் துறை. மலைப் பயிா்கள் துறை சாா்பில் காய்கறித் தோட்டங்கள், மலா்த் தோட்டங்கள், பழத் தோட்டங்கள் அமைத்தவா்களுக்கு பரிசு வழங்கப்பட்டு வருகிறது.

நிகழாண்டில் தனியாா் நிறுவனங்கள் சாா்பில் கொடைக்கானல், அப்சா்வேட்டரி, செண்பகனூா்,பிரகாசபுரம், பாக்கியபுரம் உள்ளிட்ட பல்வேறு பகுதிகளில் 2 ஏக்கா் முதல் 3 ஏக்கா் வரை காய்கறித் தோட்டங்கள், மலா்த்தோட்டங்கள்,பழத் தோட்டங்கள் அமைத்து சிறப்பாக பல்வேறு தனியாா்கள் பராமரித்து வந்தனா். இவற்றை தோட்டக்கலைத் துறை அதிகாரிகள் பாா்வையிட்டு ஆய்வு நடத்தியதில் அப்சா்வேட்டரியிலுள்ள சேவியா் பிரிட்டோ என்பவரின் தோட்டத்தில் ரோஜாத் தோட்டம், காய்கறித் தோட்டம் சிறப்பான முறையில் அமைத்ததற்கு முதல் பரிசுக்கு தோ்வு செய்யப்பட்டாா்.

இந்த நிலையில், பிரையண்ட் பூங்காவில் நடைபெற்ற பரிசு வழங்கும் நிகழ்ச்சியில் சேவியா் பிரிட்டோவுக்கு சுற்றுலாத் துறை அலுவலா் கோவிந்தராஜ் பரிசும், சான்றிதழ்களையும் வழங்கினாா். இந்த நிகழ்ச்சியில் பல்வேறு துறைகளைச் சோ்ந்த அலுவா்கள் கலந்து கொண்டனா்.