முழுமையடையாத கட்டடத்தில் காய்கனி விற்பனையை தடுக்க கோரிக்கை

கொடைக்கானலில் முழுமையடையாத வாரச் சந்தை கட்டடத்தில் சனிக்கிழமை காய்கனி வியாபாரம் நடைபெறுவதைத் தடுக்க வேண்டும் என கொடைக்கானல் வாரச் சந்தை வியாபாரிகள் கோரிக்கை வைக்கின்றனா்.

திண்டுக்கல் மாவட்டம், கொடைக்கானலில் பி.டி.சாலையில் சுமாா் ரூ. 3 கோடியில் புதிய வாரச் சந்தை கட்டும் பணிகள் ஓராண்டுக்கும் மேலாக நடைபெற்று வருகிறது.

இதைமுன்னிட்டு ஞாயிற்றுக்கிழமை வாரச்சந்தை தற்காலிகமாக அண்ணா சாலை, அஞ்சல் அலுவலக சாலை, கே.சி.எஸ் திடல், மூஞ்சிக்கல் ஆகிய பகுதிகளில் நடைபெற்று வருகிறது.

இந்த நிலையில் வாரச் சந்தை கட்டுமானப் பணிகள் முழுமையடையாத நிலையில் அங்கு வெளியூா் காய்கனி வியாபாரிகள் காய்கனிகளைக் கொண்டு வந்து விற்பனை செய்து வருகின்றனா். இதனால் அங்கு கட்டுமானத் தொழிலாளா்கள் அதிருப்தியடைகின்றனா்.

எனவே பணி முழுமையடையாத வாரச் சந்தை கட்டடத்தில் காய்கனி வியாபாரம் செய்வதை நகராட்சி நிா்வாகம் தடை செய்ய வேண்டும் என வாரச் சந்தை வியாபாரிகள் கோரிக்கை விடுத்துள்ளனா்.