விரைவு ரயில்கள் பயண நேரத்தில் மாற்றம்

இணைப்பு ரயில்கள் புறப்படுவதில் ஏற்பட்ட தாமதம் காரணமாக மதுரை வழியே செல்லும் 2 விரைவு ரயில்களின் பயண நேரத்தில் தற்காலிகமாக மாற்றம் செய்யப்பட்டுள்ளது.
 இதுதொடர்பாக தெற்கு ரயில்வே வெளியிட்ட செய்தி:
  மதுரை - டேராடூன்/ சண்டிகர் (வாரம் இருமுறை) விரைவு ரயில்  (எண்.12687) மதுரையில் இருந்து புதன்கிழமை இரவு 11.35 மணிக்கு புறப்படுவதற்கு பதிலாக வியாழக்கிழமை (ஏப். 5) காலை 11.30 மணிக்கு புறப்படும். இதேபோல, மதுரை வழியாகச் செல்லும் கன்னியாகுமாரி-நிஜாமுதீன் விரைவு ரயில் (எண்.12641)  புதன்கிழமை இரவு 7.15 மணிக்கு புறப்படுவதற்கு பதிலாக வியாழக்கிழமை (ஏப். 5) மாலை 4 மணிக்கு புறப்படும்.  இணைப்பு ரயில்கள் புறப்படுவதில் ஏற்பட்ட காலதாமதம் காரணமாக இந்த மாற்றம் செய்யப்பட்டுள்ளது.