அனுமதியின்றி எம் சாண்ட் ஏற்றி வந்த லாரி பறிமுதல்: ஒருவா் கைது

அருப்புகோட்டை அருகே உரிய அனுமதியின்றி எம் சாண்ட் ஏற்றி வந்த லாரியை வருவாய்த் துறையினா் திங்கள்கிழமை பறிமுதல் செய்து, ஒருவரைக் கைது செய்தனா்.

விருதுநகா் மாவட்டம், திருச்சுழி அருகேயுள்ள தமிழ்பாடி பகுதியில் வட்டாட்சியா் கருப்பசாமி தலைமையில், வருவாய்த் துறையினா் வாகனச் சோதனையில் ஈடுபட்டனா். அப்போது, அந்த வழியாக வந்த லாரியை நிறுத்தி வருவாய்த் துறையினா் சோதனையிட்டனா். அதில் உரிய அனுமதியின்றி எம் சாண்ட் ஏற்றி வந்தது தெரியவந்தது.

இதையடுத்து, லாரியை வருவாய்த் துறையினா் பறிமுதல் செய்து திருச்சுழி காவல் நிலையத்தில் ஒப்படைத்தனா்.

இதைத் தொடா்ந்து, வருவாய்த் துறையினா் அளித்த புகாரின் அடிப்படையில், லாரியில் அனுமதியின்றி எம் சாண்ட் ஏற்றி வந்த சிவகங்கை மாவட்டம், அரசனூா் பகுதியைச் சோ்ந்த மதுபாலனை போலீஸாா் கைது செய்து, லாரியை பறிமுதல் செய்தனா்.