உசிலம்பட்டி பகுதியில் ஆகஸ்ட் 10 மின்தடை

உசிலம்பட்டி சுற்றுவட்டாரப்பகுதிகளில் பராமரிப்பு பணிகள் காரணமாக வெள்ளிக்கிழமை (ஆகஸ்ட் 10) மின்தடை செய்யப்படும் என மின்வாரியம் சார்பில் தெரிவிக்கப்பட்டுள்ளது. 
இதுதொடர்பாக  உசிலம்பட்டி மின் உற்பத்தி மற்றும் பகிர்மான செயற் பொறியாளர் என்.மோகன் வெளியிட்டுள்ள செய்திக்குறிப்பு:  உசிலம்பட்டி, இடையப்பட்டி மற்றும் ,தும்மக்குண்டு  ஆகிய  துணை மின்நிலையங்களில் ஆகஸ்ட் 10ம் தேதி வெள்ளிக்கிழமை  மாதாந்திர பராமரிப்பு பணிகள் நடைபெற உள்ளன. 
எனவே  அன்று காலை 9 மணி முதல் மாலை 2 மணிவரை உசிலம்பட்டி நகர், தொட்டப்பநாயக்கனூர், நக்கலப்பட்டி, மேக்கிலார்பட்டி, கீரிப்பட்டி, பாப்பாபட்டி, சிந்துபட்டி, தும்மக்குண்டு, வேப்பனூத்து, புதிப்புரம், வடுகபட்டி, போத்தம்பட்டி, விக்கிரமங்கலம், முதலைக்குளம், நரியம்பட்டி, கொடிக்குளம் மற்றும் சுற்றியுள்ள பகுதிகளில் மின் விநியோகம் இருக்காது என தெரிவிக்கப்பட்டுள்ளது.