கிரானைட் வழக்குகள் விசாரணை ஒத்தி வைப்பு

சட்ட விரோத கிரானைட் வழக்குகள் விசாரணை அக்டோபர் மாதத்துக்கு ஒத்தி வைத்து மேலூர் நீதிமன்றம் புதன்கிழமை  உத்தரவிட்டது.
தனியார் இடங்களில் பதுக்கிவைத்துள்ள கிரானைட் கற்களை அரசுடைமையாக்க அனுமதிக்கக்கோரி மதுரை மாவட்ட ஆட்சியர் தாக்கல்  செய்த 23 வழக்குகள் மற்றும் கிரானைட் முறைகேடு தொடர்பான 17 குற்ற வழக்குகளும் மேலூர் குற்றவியல்  நடுவர் மன்றத்தில் விசாரணைக்கு வந்தன. இதில் கஜானியா கிரானைட் நிறுவனத்தினர் கிரானைட் கற்கள் பதுக்கி வைத்துள்ளது தொடர்பாக அரசு தரப்பில் கிராம நிர்வாக அலுவலர் அழகுபாண்டி சாட்சி அளித்தார். இதைத்தொடர்ந்து விசாரணையை அக்டோபர் 17-ஆம் தேதிக்கு ஒத்தி வைத்து மேலூர் நீதிமன்றம்  உத்தரவிட்டது.