முகக்கவசங்களை அப்புறப்படுத்த 500 இடங்களில் குப்பைத்தொட்டிகள்

மதுரை: மதுரையில் பயன்படுத்திய முகக்கவசங்களின் மூலம் கரோனா பரவுவதை தடுக்கும் வகையில் மாநகராட்சி நிா்வாகத்தின் சாா்பில் 500 இடங்களில் தனி குப்பைத்தொட்டிகள் வைக்கப்பட்டுள்ளன.

இதுதொடா்பாக மாநகராட்சி ஆணையா் ச.விசாகன் செவ்வாய்க்கிழமை விடுத்துள்ள செய்தி: மதுரை நகரில் கரோனா பரவலைத் தடுக்கும் வகையில் மாநகராட்சி நிா்வாகம் சாா்பில் பல்வேறு நடவடிக்கைகள் எடுக்கப்பட்டு வருகின்றன. இதன் ஒரு பகுதியாக பொதுமக்கள் வெளியில் பொது இடங்களுக்கு செல்லும்போது முகக்கவசம் கண்டிப்பாக அணிய வேண்டும், கைகளை சுத்தமாக கழுவ வேண்டும், சமூக இடைவெளியை முறையாக கடைப்பிடிக்க வேண்டும் என ஆலோசனை வழங்கப்பட்டு தொடா்ந்து கண்காணிக்கப்பட்டு வருகிறது. மேலும் மதுரை மாநகராட்சிக்கு உட்பட்ட பகுதிகளில் உள்ள மாநகராட்சி, அரசு மற்றும் தனியாா் கட்டடங்கள் என 2 ஆயிரத்துக்கும் மேற்பட்ட இடங்களில் பொதுமக்கள் மற்றும் பணியாளா்கள் கைகளைக் கழுவிச் செல்வதற்கு வசதிகள் ஏற்படுத்தப்பட்டுள்ளன. இந்நிலையில் பொதுமக்கள் தாங்கள் பயன்படுத்திய முகக்கவசங்களை குப்பைகள் மற்றும் பொது இடங்களில் போடுவதைத் தவிா்க்கும் வகையில், மாநகராட்சி நிா்வாகம் தனி ஏற்பாடுகளை செய்துள்ளது.

இதில் பேருந்து நிலையங்கள், பேருந்து நிறுத்தங்கள், காய்கனி சந்தைகள் உள்ளிட்ட பொதுமக்கள் அதிகளவில் கூடும் சுமாா் 500 இடங்களில் முகக்கவசங்களை அப்புறப்படுத்தும் வழிமுறைகள் அடங்கிய ஒட்டும் பிரசுரங்கள் ஏந்திய இரட்டை தனி குப்பைத் தொட்டிகள் அமைக்கப்பட்டு பொதுமக்கள் பயன்படுத்திய முகக்கவசங்கள் மற்றும் கையுறைகளை போட வழிவகை செய்யப்பட்டுள்ளது. எனவே பொதுமக்கள் பயன்படுத்திய முகக்கவசங்களை சாலைகளில் கண்ட இடங்களில் போடுவதை தவிா்த்து மாநகராட்சியின் சாா்பில் வைக்கப்பட்டுள்ள தனி குப்பைத் தொட்டிகளில் போட வேண்டும். வீடுகளில் பயன்படுத்திய முகக்கவசங்களை தனி பைகளில் சேகரித்து வீட்டுக்கு குப்பைகள் சேகரிக்க வரும் தூய்மைப் பணியாளா்களிடம் தனியாக வழங்க வேண்டும் என்று அதில் தெரிவித்துள்ளாா்.