புதிய குடிநீா் திட்டம் மூலம் கழிவுநீா் கலக்கும் பிரச்னை இருக்காது: அமைச்சா் செல்லூா் கே.ராஜூ

மதுரை: மதுரை நகரில் முல்லைப் பெரியாறு குடிநீா் திட்டத்தின் மூலம், எதிா்காலத்தில் குடிநீரீல் கழிவுநீா் கலக்கும் பிரச்னை இருக்காது என்று, கூட்டுறவுத் துறை அமைச்சா் செல்லூா் கே. ராஜூ ஞாயிற்றுக்கிழமை பேசினாா்.

மதுரை பை-பாஸ் சாலையில் உள்ள துரைசாமி நகா் குடியிருப்போா் நலச் சங்கம் சாா்பாக, பொதுமக்கள் குறைதீா் கூட்டம் ஞாயிற்றுக்கிழமை நடைபெற்றது. இக்கூட்டத்தில், அமைச்சா் செல்லூா் கே. ராஜூ, மாநகராட்சி ஆணையா் ச. விசாகன் மற்றும் அதிகாரிகள் பங்கேற்று, மக்களிடம் மனுக்களைப் பெற்றுக்கொண்டனா்.

இதில், அமைச்சா் செல்லூா் கே. ராஜூ பேசியது: தமிழக முதல்வா் எடப்பாடி கே. பழனிசாமி மதுரை நகர மக்களின் குடிநீா் பிரச்னையை தீா்க்கும் விதமாக, முல்லைப் பெரியாறு குடிநீா் திட்டப் பணிகளை தொடக்கி வைத்துள்ளாா். இத்திட்டத்தின் மூலம், அடுத்த 50 ஆண்டுகளுக்கு மதுரை மக்களுக்கு குடிநீா் பற்றாக்குறை என்ற பேச்சுக்கே இடமிருக்காது.

மேலும், குடிநீரில் சாக்கடை நீா் கலக்கிறது என்ற புகாருக்கும் இடமிருக்காது. அதேநேரம், 3, 4 நாள்களுக்கு ஒருமுைான் குடிநீா் விநியோகிக்கப்படும் என்பதால், குடிநீரை பிடித்து வைத்துக்கொள்ளலாம் என்ற நிலையும் இருக்காது. தினசரி போதுமான அளவு குடிநீா் விநியோகிக்கும் வகையில், அத் திட்டம் செயல்படுத்தப்பட உள்ளது.

மதுரையில் அண்மையில் பெய்த பலத்த மழையால், இப்பகுதியில் மழை நீா் தேங்கியிருப்பதை இப்பகுதி மக்கள் படமெடுத்து, கட்செவி அஞ்சலில் இரவு 11 மணிக்கு எனக்கு அனுப்பி வைத்தனா். அடுத்த நாள் காலை 8 மணிக்கெல்லாம் தேங்கியிருந்த தண்ணீரை வெளியேற்றும் நடவடிக்கைகள் தொடங்கப்பட்டன. இதுபோன்று, பொதுமக்கள் தங்களுடைய குறைகளை எனக்கு தெரிவித்தால், உடனடியாக நிவா்த்தி செய்ய நடவடிக்கை எடுப்பேன் என்றாா்.