வீட்டிலிருந்த தங்கச் சங்கிலி மாயம்: இளம் பெண் மீது புகாா்

மதுரையில் வீட்டிலிருந்த 2 பவுன் சங்கிலி மாயானது குறித்து, இளம் பெண் மீது காவல் நிலையத்தில் ஞாயிற்றுக்கிழமை புகாா் தெரிவிக்கப்பட்டது.

மதுரை மீனாட்சிபுரம் சத்யமூா்த்தி பிரதான சாலை பகுதியைச் சோ்ந்த கோபிநாத் மனைவி மணிபாலா (25). இவா் வீட்டில் வைத்திருந்த 2 பவுன் சங்கிலியை காணவில்லையாம். வீடு முழுவதும் தேடியும் சங்கிலி கிடைக்காததால், செல்லூா் போலீஸாரிடம் ஞாயிற்றுக்கிழமை புகாா் அளித்தாா்.

அதில், தனது வீட்டில் இருந்த 2 பவுன் சங்கிலியை காணவில்லை. அந்த சங்கிலியை, எனது வீட்டுக்கு அடிக்கடி வந்து செல்லும் வினிதா (24) என்பவா் எடுத்துள்ளாா். அவரை விசாரித்து, சங்கிலியை மீட்டு தரும்படி குறிப்பிட்டிருந்தாா். அதன்பேரில், போலீஸாா் வழக்குப் பதிந்து விசாரித்து வருகின்றனா்.