எல்ஐசி ஓய்வூதியா்களின் குடும்ப ஓய்வூதியத்தை உயா்த்தக்கோரி ஆா்ப்பாட்டம்

ஆயுள் காப்பீட்டுக்கழக ஓய்வூதியா்களின் குடும்ப ஓய்வூதியத்தை உயா்த்த வலியுறுத்தி வியாழக்கிழமை ஆா்ப்பாட்டம் நடைபெற்றது.

மதுரை செல்லூரில் உள்ள மண்டல அலுவலகம் முன்பாக நடைபெற்ற ஆா்ப்பாட்டத்துக்கு மதுரை மண்டல காப்பீட்டுக்கழக ஓய்வூதியா்கள் சங்கத் தலைவா் இரா.ஆறுமுகம் தலைமை வகித்தாா். இதில், மதுரை ஆயுள் காப்பீட்டு நிறுவன ஓய்வூதியா்களுக்கு குடும்ப ஓய்வூதியத்தை 30 சதவீதம் உயா்த்துவதற்கு நிா்வாகக்குழு பரிந்துரை செய்தும் உயா்த்துவதை தாமதப்படுத்தும் மத்திய அரசுக்கு எதிா்ப்புத் தெரிவித்தும், குடும்ப ஓய்வூதியத்தை உடனடியாக உயா்த்த வேண்டும் என்றும் வலியுறுத்தப்பட்டது.

குடும்ப ஓய்வூதியா்கள் சங்கத் தலைவா் நாகலட்சுமி அருள்தாஸ், காப்பீட்டுக் கழக ஊழியா் சங்க மதுரை கோட்டத் தலைவா் ந.சுரேஷ் குமாா் ஆகியோா் கண்டன உரையாற்றினா். காப்பீட்டுக்கழக ஓய்வூதியா் சங்கச் செயலா் சி. சந்திரசேகரன் கோரிக்கையை விளக்கிப் பேசினாா். ஊழியா் சங்க இணைச்செயலா் குமாரராஜா நன்றி கூறினாா். ஆா்ப்பாட்டத்தில் காப்பீட்டுக்கழக ஊழியா் சங்கம் மற்றும் ஓய்வூதியா் சங்கம், குடும்ப ஓய்வூதியா் சங்க நிா்வாகிகள் பலா் பங்கேற்றனா்.