வைகை ஆற்றில் அடித்துச் செல்லப்பட்ட ராணுவ வீரா் சடலமாக மீட்பு

மதுரை அருகே வைகை ஆற்றில் அடித்துச் செல்லப்பட்ட மத்திய தொழிற்பாதுகாப்புப்படை வீரா் வியாழக்கிழமை சடலமாக மீட்கப்பட்டாா்.

மதுரை மாவட்டம் கரடிக்கல் அருகே உள்ள அனுப்பப்பட்டியைச் சோ்ந்தவா் வினோத்குமாா் (25). ஒடிசாவில் மத்திய தொழிற்பாதுகாப்புப் படைப்பிரிவில் வீரராக பணிபுரிந்து வந்த வினோத்குமாா் விடுமுறைக்காக சொந்த ஊருக்கு வந்திருந்தாா். தனது நண்பா்களுடன் திருவேடகம் அருகே வைகையாற்றில் செவ்வாய்க்கிழமை பிற்பகலில் குளிக்கச் சென்றாா். அங்கு வினோத்குமாா் மற்றும் அன்பரசன் ஆகிய இருவரும் நீா்ச்சுழலில் சிக்கி அடித்துச் செல்லப்பட்டனா். இதுகுறித்த தகவலின்பேரில் வாடிப்பட்டி, சோழவந்தான் தீயணைப்புப் படையினா் சம்பவ இடத்துக்குச் சென்று தேடும் பணியில் ஈடுபட்டனா். இதில் செவ்வாய்க்கிழமை மாலை அன்பரசன் சடலமாக மீட்கப்பட்டாா். இதைத்தொடா்ந்து மத்திய தொழிற்பாதுகாப்புப்படை வீரா் வினோத்குமாரை கடந்த 2 நாள்களாக தேடும் பணி தொடா்ந்து நடைபெற்று வந்தது.

இந்நிலையில் மூன்றாவது நாளாக வியாழக்கிழமையும் தேடும் பணி நடைபெற்றது. இதில் வினோத்குமாரின் சடலம் மீட்கப்பட்டு மருத்துவமனைக்கு அனுப்பி வைக்கப்பட்டது. அவரது சடலத்துக்கு, முன்னாள் அமைச்சா் ஆா்.பி.உதயகுமாா் அஞ்சலி செலுத்தினாா். சம்பவம் தொடா்பாக சோழவந்தான் போலீஸாா் விசாரித்து வருகின்றனா்.