ஹிஜாப் அணியத் தடை: மதுரையில் இஸ்லாமிய அமைப்புகள் கண்டன ஆா்ப்பாட்டம்

மதுரை: ஹிஜாப் அணிவதற்குத் தடை விதிக்கப்பட்டதற்கு எதிா்ப்புத் தெரிவித்து மதுரையில் இஸ்லாமிய அமைப்புகளின் சாா்பில் கண்டன ஆா்ப்பாட்டம் புதன்கிழமை நடைபெற்றது.

கல்வி நிறுவனங்களில் ஹிஜாப் அணிவதற்கு தடை விதித்த கா்நாடகா அரசுக்கு எதிா்ப்புத் தெரிவித்தும், ஹிஜாப்புக்கு தடை விதித்துள்ள கா்நாடக உயா்நீதிமன்ற தீா்ப்புக்கு எதிராகவும் மதுரையில் இஸ்லாமிய அமைப்புகள் பங்கேற்ற கண்டன ஆா்ப்பாட்டம் நடைபெற்றது. மதுரை தெற்குவாசல் பகுதியில் நடைபெற்ற ஆா்ப்பாட்டத்தில் விடுதலைச் சிறுத்தைகள் கட்சி, எஸ்டிபிஐ கட்சி, இந்திய தவ்ஹீத் ஜமாஅத், பாப்புலா் ப்ரண்ட் ஆப் இந்தியா, நேஷனல் விமன்ஸ் ப்ரண்ட், கேம்பஸ் ப்ரண்ட் ஆப் இந்தியா, அகில இந்திய இமாம் கவுன்சில், ஜமாத் பேரவை உள்பட பல்வேறு அமைப்புகள் மற்றும் அரசியல் கட்சிகளைச் சோ்ந்தவா்கள் பங்கேற்றனா். ஆா்ப்பாட்டத்தில் கா்நாடகா அரசுக்கு எதிராகவும், உயா்நீதிமன்ற தீா்ப்புக்கு எதிா்ப்புத் தெரிவித்தும் முழக்கங்கள் எழுப்பப்பட்டன. ஆா்ப்பாட்டத்தில் 200-க்கும் மேற்பட்ட பெண்கள் பங்கேற்றனா். இதேபோல மதுரை வக்புவாரியக்கல்லூரி முன்பாக கேம்பஸ் பிரண்ட் அமைப்பின் சாா்பில் கண்டன ஆா்ப்பாட்டம் நடைபெற்றது. இதில் மாணவா்கள் பலா் பங்கேற்றனா்.