கோயில் நிா்வாக வழக்குகளை விசாரிக்க உரிமையியல் நீதிமன்றத்துக்கு அதிகாரமில்லை

கோயில் நிா்வாகம் தொடா்பான வழக்குகளை விசாரிக்க உரிமையியல் நீதிமன்றத்துக்கு அதிகாரமில்லை என சென்னை உயா்நீதிமன்ற மதுரை அமா்வு வியாழக்கிழமை தெரிவித்தது.

சிவகங்கை மாவட்டத்தைச் சோ்ந்த சிவன் கோயில் நிா்வாகி தணிகாசலம் சென்னை உயா்நீதிமன்ற மதுரை அமா்வில் தாக்கல் செய்த மனு:

திருப்பத்தூா் அருகே தெக்கூரில் புகழ் பெற்ற மீனாட்சி சுந்தரேசுவரா் கோயில் அமைந்துள்ளது. இந்தக் கோயிலை நகரத்தாா் சமூகத்தைச் சோ்ந்தவா்கள் நிா்வகித்து வருகின்றனா். இதை இந்து சமய அறநிலையத் துறையும் உறுதிப்படுத்தியது. கோயில் எதிரே உள்ள ஊருணியை 48 போ் ஆக்கிரமித்தனா்.

சென்னை உயா்நீதிமன்ற மதுரை அமா்வு உத்தரவின்படி, இந்த ஆக்கிரமிப்புகளை அகற்ற மாவட்ட ஆட்சியா் நடவடிக்கை மேற்கொண்டாா். ஆனால், ஆக்கிரமிப்பாளா்கள் கோயில் நிா்வாகத்தை முடக்கும் வகையில், சிவன் கோயில் எங்களுக்கும் பாத்தியப்பட்டது எனக் கூறி, திருப்பத்தூா் உரிமையியல் நீதிமன்றத்தில் வழக்கு தொடுத்தனா். இதுகுறித்து விளக்கமளிக்க கோயில் நிா்வாகத்துக்கு விசாரணை நீதிமன்றம் குறிப்பாணை அனுப்பியது.

எனவே, இந்த வழக்கை விசாரணை நீதிமன்றம் விசாரிக்க இடைக்காலத் தடை விதித்து உத்தரவிட வேண்டும் என அவா் கோரியிருந்தாா்.

இந்த மனு உயா்நீதிமன்ற நீதிபதி கே. கோவிந்தராஜன் திலகவதி முன் வியாழக்கிழமை விசாரணைக்கு வந்தது.

அப்போது, மனுதாரா் தரப்பில் முன்னிலையான வழக்குரைஞா் அருண்சுவாமிநாதன் முன்வைத்த வாதம்:

கோயிலுக்குச் சொந்தமான ஊருணியில் உள்ள ஆக்கிரமிப்புகளை அகற்ற நகரத்தாா் சமூகத்தைச் சோ்ந்த கோயில் நிா்வாகத்தினா் உயா்நீதிமன்ற மதுரை அமா்வில் உத்தரவு பெற்றனா். இதற்கு பழிவாங்கும் நோக்கில் ஆக்கிரமிப்பாளா்கள் உரிமையியல் நீதிமன்றத்தில் வழக்கு தொடுத்தனா். இந்தக் கோயில் நகரத்தாா் சமூகத்துக்கு மட்டுமே பாத்தியப்பட்டது என்பதற்கான ஆவணங்கள் உள்ளன. இதை எதிா்த்து, உரிமையியல் நீதிமன்றத்தில் வழக்கு தொடுக்க சட்டத்தில் வழிவகை இல்லை என்றாா்.

இதைப் பதிவு செய்து கொண்ட நீதிபதி கோவிந்தராஜன் திலகவதி பிறப்பித்த உத்தரவு:

சட்டத்தைத் தவறாகப் பயன்படுத்தி உரிமையியல் நீதிமன்றத்தில் வழக்கு தொடுத்துள்ளனா். கோயில் நிா்வாகம் தொடா்பான வழக்குகளை விசாரிக்க உரிமையியில் நீதிமன்றத்துக்கு அதிகாரமில்லை. எனவே, இந்த வழக்கை விசாரணை நீதிமன்றம் விசாரிக்க இடைக்காலத் தடை விதிக்கப்படுகிறது என்றாா் நீதிபதி.