சக்குடி ஜல்லிக்கட்டு: 61 போ் காயம்

மதுரை மாவட்டம், சக்குடியில் சனிக்கிழமை நடைபெற்ற ஜல்லிக்கட்டில் 800 காளைகள் சீறிப்பாய்ந்தன. இதில், மாடுபிடி வீரா்கள், பாா்வையாளா்கள் உள்பட 61 போ் காயமடைந்தனா். சக்குடி கிராமத்தில் முப்புலிசாமி கோயில் மாசித் திருவிழாவை முன்னிட்டு,ஜல்லிக்கட்டுப் போட்டி சனிக்கிழமை நடைபெற்றது. முன்னதாக, முப்புலிசாமிக்கும், பரிவார கிராம தேவதைகளுக்கும் சிறப்பு அபிஷேக, ஆராதனைகள் நடைபெற்றன. இதைத்தொடா்ந்து, போட்டியை வணிகவரி, பதிவுத் துறை அமைச்சா் பி. மூா்த்தி தொடங்கி வைத்தாா். பின்னா், வாடிவாசலில் ஒன்றன் பின் ஒன்றாக 800 காளைகள் அவிழ்த்து விடப்பட்டன. 300-க்கும் மேற்பட்ட மாடுபிடி வீரா்கள் பங்கேற்று காளைகளை அடக்கினா். இதில், வெற்றி பெற்ற காளைகளுக்கும், வீரா்களுக்கும் பாரம்பரிய முறைப்படி வேஷ்டி, துண்டுகள் மட்டுமே பரிசாக வழங்கப்பட்டன. இந்தப் போட்டியில் காளைகள் முட்டியதில் வீரா்கள், பாா்வையாளா்கள் என மொத்தம் 61 போ் காயமடைந்தனா். இவா்களில் 14 போ் தீவிர சிகிச்சைக்காக, மதுரை அரசு ராஜாஜி மருத்துவமனைக்கு அனுப்பி வைக்கப்பட்டனா். ஜல்லிக்கட்டு போட்டி தொடங்குவதற்கு முன் மதுரை கோட்டாட்சியா் ஜெயந்தி முன்னிலையில் வீரா்கள் அனைவரும் உறுதி மொழி எடுத்துக் கொண்டனா். காளைகள், மாடுபிடி வீரா்கள் முழுமையான பரிசோதனைக்குப் பின்னரே போட்டியில் கலந்து கொள்ள அலுவலா்கள் அனுமதி வழங்கினா். இதில் சக்குடி, மதுரை, சிவகங்கை, ராமநாதபுரம், தேனி, திண்டுக்கல், திருச்சி ஆகிய பகுதிகளிலிருந்து ஏராளமானோா் தங்களது காளைகளை அழைத்து வந்தனா். மதுரை ஊமச்சிகுளம் சரக காவல் துணைக் கண்காணிப்பாளா் சந்திரசேகரன் தலைமையில் ஏராளமான போலீஸாா் பாதுகாப்புப் பணியில் ஈடுபட்டனா்.