பொது நிகழ்ச்சிகளுக்கு அனுமதி கோரி ஆட்சியா் அலுவலகத்தில் குவிந்தனா் பொதுமக்கள்

பொது நிகழ்ச்சிகளுக்கு அனுமதி கோரி ஆட்சியா் அலுவலகத்தில் குவிந்தனா் பொதுமக்கள்

மதுரை: கோயில் நிகழ்ச்சிகள் உள்ளிட்ட பல்வேறு பொது நிகழ்ச்சிகளுக்கு முன் அனுமதி கோரி, மதுரை மாவட்ட ஆட்சியா் அலுவலகத்தில் பொதுமக்கள் செவ்வாய்க்கிழமை குவிந்தனா்.

தமிழகத்தைப் பொருத்தவரை வருகிற ஏப். 19-ஆம் தேதி ஒரே கட்டமாக மக்களவைத் தோ்தல் நடைபெறும் என அறிவிக்கப்பட்டது. இந்த அறிவிப்பைத் தொடா்ந்து தோ்தல் நன்னடத்தை விதிமுறைகள் அமலுக்கு வந்தன. ஏற்கெனவே திட்டமிட்ட இல்ல நிகழ்ச்சிகள், கோயில் நிகழ்ச்சிகளுக்கு முன் அனுமதி பெற வேண்டிய கட்டாயம் ஏற்பட்டுள்ளது.

இதற்காக, மதுரை மாவட்ட ஆட்சியா் அலுவலகத்தில் தனி அலுவலகம் உருவாக்கப்பட்டது. பொதுமக்கள் முன்னரே திட்டமிட்ட இல்ல நிகழ்ச்சி, கோயில் தொடா்பான நிகழ்வுகளுக்கு முன் அனுமதி கோரி விண்ணப்பிக்கலாம் என அறிவிக்கப்பட்டது. இந்த நிலையில், நிகழ்வுகளுக்கு முன் அனுமதி பெற இந்த அலுவலகத்தில் பொதுமக்கள் செவ்வாய்க்கிழமை அதிகளவில் கூடினா்.

Related Stories

No stories found.
X
Dinamani
www.dinamani.com