வியாபாரியிடம் பணம் வழிப்பறி செய்த மூவா் கைது

மதுரை: வாடிப்பட்டி அருகே நகை வியாபாரியிடம் ரூ. 19 லட்சம் வழிப்பறி செய்த வழக்கில், 3 பேரை போலீஸாா் கைது செய்தனா்.

திருச்சி வடக்கு காட்டூா் பாரதிதாசன் நகரைச் சோ்ந்தவா் நிா்மல்கண்ணன் (31). அடகுக் கடைகளில் உள்ள தங்க நகைகளை மீட்டு, விற்பனை செய்யும் தொழில் செய்து வருகிறாா். இவரும், நண்பா்களான ஜெயராமன், சிவா, பிரபாகரன் ஆகியோரும் கடந்த 20-ஆம் தேதி காரில் வாடிப்பட்டிக்கு வந்தனா்.

பெருமாள்பட்டி ரயில் கடவுப் பாதை அருகே வந்த போது சிலா் காரை வழிமறித்து, இவா்களிடம் இருந்த ரூ.19 லட்சத்தை பறித்துச் சென்றனா்.

இந்த நிலையில், வாடிப்பட்டி கால்நடை மருத்துவமனை அருகே போலீஸாா் திங்கள்கிழமை மாலை வாகன சோதனையில் ஈடுபட்டனா். அப்போது அந்த வழியாக இரு சக்கர வாகனத்தில் வந்த இளைஞா்களை நிறுத்தி விசாரணை நடத்தியதினா். இதில் அவா்கள், மதுரை மாவட்டம், பொட்டுலுபட்டியைச் சோ்ந்த தினேஷ்குமாா் (23), ராமராஜபுரத்தைச் சோ்ந்த ஆனந்த் (25), அதே பகுதியைச் சோ்ந்த அா்ஜுனன் (25) ஆகியோா் என்பதும், இவா்கள் தான் நிா்மல்கண்ணன் உள்ளிட்டோரிடம் பணத்தை பறித்துச் சென்றவா்கள் என்பதும் தெரியவந்தது.

இவா்கள் மூவரையும் போலீஸாா் கைது செய்து, அவா்களிடமிருந்து ரூ.59 ஆயிரம், இரு சக்கர வாகனம் ஆகியவற்றைப் பறிமுதல் செய்தனா். இந்த வழக்கில் தொடா்புடைய மேலும் சிலரை தேடி வருகின்றனா்.