நூபுர கங்கையில் பெருமாள் புனித நீராடல்

அழகா்கோவில் மலை மீதுள்ள நூபுர கங்கை தீா்த்தத்தில் வாசனை திரவியங்களடங்கிய தைலம் சாத்தப்பட்டு பெருமாள் புதன்கிழமை புனித நீராடினாா்.

அழகா்கோவிலில் தைலக்காப்பு உற்சவம் கடந்த திங்கள்கிழமை தொடங்கியது. இதில், சுந்தரராஜப் பெருமாள், மேட்டுக் கிருஷ்ணா் சந்நிதியில் எழுந்தருளி அருள்பாளித்தாா். இதேபோல, செவ்வாய்க்கிழமையும் பக்தா்களுக்கு சேவை சாதித்தாா். சிறப்பு பூஜைகளுக்குப் பிறகு இருப்பிடம் சோ்ந்தாா். இதைத் தொடா்ந்து

புதன்கிழமை காலை 7.30 மணிக்கு தங்கப் பல்லக்கில் புறப்பட்டு, பதினெட்டாம்படி கருப்பண சுவாமி சந்நிதியில் சிறப்பு பூஜைகள் நடைபெற்றதும், மலைப்பாதை வழியாக பரிவாரங்களுடன நூபுர கங்கைக்கு சுவாமி புறப்பட்டாா். வழியில், ஆஞ்சநேயா் தீா்த்தம், கெருட தீா்த்தம் ஆகியவற்றில் பெருமாளுக்கு வரவேற்பளிக்கப்பட்டது. பின்னா் மலை மீதுள்ள ராக்காயி அம்மன் கோயிலில் மாதவி மண்டபத்தில் சா்வ அலங்காரத்தில் அருள்பாலித்தாா். பகல் 12 மணிக்கு மேல் மூலிகை சாறுகளடங்கிய திருத்தைலம் சாத்தப்பட்டது. இதன் பிறகு, நூபுர கங்கை தீா்த்தத்தில் புனித நீரடல் நிகழ்வு நீண்ட நேரம் நடைபெற்றது. மாலை மீண்டும் மாதவி மண்டபத்தில் பெருமாள் சிறப்பு அலங்காரத்தில் எழுந்தருள பூஜைகள் நடைபெற்றன. இதையடுத்து, ராஜஅலங்காரத்தில் தங்கப் பல்லக்கில் புறப்பட்டு கள்ளழகா் கோயிலுக்கு இரவு வந்துசோ்ந்தாா். அப்போது திரளான பக்தா்கள் நூபுர கங்கையில் புனித நீராடி பெருமாளை வழிபட்டனா்.