திருச்செந்தூா் - சென்னை ரயில் நேரம் மாற்றம்

திருச்செந்தூா் - சென்னை ரயில் நேரம் வருகிற 6, 8, 10 ஆகிய தேதிகளில் மாற்றப்படுகிறது.

இதுகுறித்து மதுரை கோட்ட ரயில்வே மேலாளா் அலுவலகம் வெளியிட்ட செய்திக் குறிப்பு:

திருச்சி கோட்டத்தில் நடைபெறும் ரயில் பாதை சீரமைப்புப் பணிகள் காரணமாக, வருகிற 6, 8, 10 ஆகிய தேதிகளில் திருச்செந்தூா் - சென்னை (20606) அதிவிரைவு ரயில் நேரம் மாற்றப்படுகிறது. இதன்படி, திருச்செந்தூரிலிருந்து வழக்கமாக இரவு 8.25 மணிக்கு புறப்படும் இந்த ரயில், 2.10 மணி நேரம் தாமதமாக இரவு 10.35 மணிக்குப் புறப்படும்.