ஈரான் போர் எதிரொலி: 350 விமானங்கள் ரத்து - மத்திய அரசுஅமெரிக்கா-இஸ்ரேல், ஈரான் போர்: வளைகுடா வாழ் தமிழர்களுக்கான உதவி எண்கள் அறிவிப்பு!சஞ்சு சாம்சன் அதிரடி அரைசதம்! சாதனை சேஸிங்குடன் அரையிறுதியில் இந்தியா!!கனடா பிரதமர் தில்லி வந்தடைந்தார்ஈரானில் கமேனி படுகொலைக்கு கண்டனம்! - காங்கிரஸ்அமீரகத்தில் தாக்குதல்: பணியாளர்கள் வீட்டிலிருந்தே பணிபுரிய அறிவுறுத்தல்!சென்னையில் அமெரிக்க தூதரகத்துக்கு பாதுகாப்பு அதிகரிப்புஅமெரிக்க ஏகாதிபத்தியம் இது..! கமேனி கொலைக்கு பினராயி விஜயன் கடும் கண்டனம்கமேனி கொல்லப்பட்டதற்கு சீனா கடும் கண்டனம்!ஏழை மக்களிடமிருந்து கொள்ளையடிக்கிறது திமுக : பிரதமர் மோடி மதுரையில் பேச்சு உதயநிதியை முதல்வராக்க கனவு காண்கிறார் மு.க. ஸ்டாலின் : டிடிவி தினகரன் 210 இடங்களில் வெற்றி பெற்று அதிமுக ஆட்சியமைக்கும்: எடப்பாடி பழனிசாமி
/

குடியிருப்புகளை வெள்ளநீா் சூழாமல் தடுக்க கூடுதல் விழிப்புணா்வு வேண்டும்: ஆட்சியா் அறிவுறுத்தல்

குடியிருப்புகள் மழைநீரால் சூழப்படுவதைத் தடுக்க வெள்ளத் தடுப்புப் பணிகளில் அலுவலா்கள் கூடுதல் கவனத்துடன் செயல்பட வேண்டும் என மதுரை மாவட்ட ஆட்சியா் மா.சௌ. சங்கீதா அறிவுறுத்தினாா்.

News image
மதுரை கரிசல்குளம் பகுதியில் வெள்ளப் பெருக்கால் ஏற்பட்ட பாதிப்புகளை வியாழக்கிழமை ஆய்வு செய்த மாவட்ட ஆட்சியா் மா. செள. சங்கீதா.
Updated On :24 அக்டோபர் 2024, 11:07 pm

Din

குடியிருப்புகள் மழைநீரால் சூழப்படுவதைத் தடுக்க வெள்ளத் தடுப்புப் பணிகளில் அலுவலா்கள் கூடுதல் கவனத்துடன் செயல்பட வேண்டும் என மதுரை மாவட்ட ஆட்சியா் மா.சௌ. சங்கீதா அறிவுறுத்தினாா்.

மதுரை மாவட்டத்தில் கடந்த செவ்வாய்க்கிழமை பலத்த மழை பெய்தது. இதனால், கண்மாய்கள், வாய்க்கால்களில் வெள்ளப் பெருக்கு ஏற்பட்டு, கரிசல் குளம், திருமால் நகா், அஞ்சல் நகா், பாண்டியன் நகா், செல்லூா் கட்டபொம்மன் நகா், வாஞ்சிநாதன் நகா், ஆனையூா் உள்ளிட்ட பகுதிகளில் குடியிருப்புகளை வெள்ளநீா் சூழ்ந்தது.

இந்தப் பகுதிகளில் நடைபெறும் சீரமைப்புப் பணிகள் குறித்து மாவட்ட ஆட்சியா் மா.சௌ. சங்கீதா வியாழக்கிழமை ஆய்வு செய்தாா். விளாங்குடி கண்மாய், அதன் வாய்க்காலிலிருந்து அளவுக்கு அதிகமாக மழைநீா் வெளியேறியதால், வெள்ளம் சூழ்ந்த கரிசல் குளம் குடியிருப்புப் பகுதிகளை ஆட்சியா் பாா்வையிட்டாா்.

அப்போது, குடியிருப்புகளை வெள்ள நீா் சூழ்வதைத் தடுக்க உடனடியாக நடவடிக்கை எடுக்க வேண்டும். கண்மாய் வரத்துக் கால்வாய்களில் தடையின்றி நீா் வெளியேறுவதை உறுதி செய்யவும், குடியிருப்புகளை வெள்ளநீா் சூழாமல் தடுக்கவும் நீா்வளத் துறை, மாநகராட்சி நிா்வாகம் ஒருங்கிணைந்து கூடுதல் விழிப்புணா்வுடன் பணியாற்ற வேண்டும் என அலுவலா்களுக்கு அவா் அறிவுறுத்தினாா்.

மாநகராட்சி ஆணையா் ச. தினேஷ்குமாா், வருவாய்க் கோட்டாட்சியா் ர.த. சாலினி உள்ளிட்டோா் உடனிருந்தனா்.