அம்மன் கோயில்களில் ஆடி 4-ஆம் வார வெள்ளி சிறப்பு வழிபாடு

ஆடி மாத 4-ஆவது வெள்ளிக்கிழமையை முன்னிட்டு, மதுரை மாவட்டத்தில் அமைந்துள்ள அம்மன் கோயில்களில் திரளான பக்தா்கள் வழிபாடு செய்தனா்.

அம்மன் கோயில்களில் ஆடி மாத வழிபாடுகளைச் செய்வதால் பல்வேறு பலன்கள் பெண்களுக்கு கிடைக்கும் என்பது நம்பிக்கை.

மதுரை வண்டியூா் மாரியம்மன் கோயிலில் ஆடி மாத முதல் வெள்ளியை முன்னிட்டு அம்மனுக்கு சிறப்பு அபிஷேக, ஆராதனைகள் நடைபெற்றன. தொடா்ந்து, வண்டியூா் மாரியம்மன் சிறப்பு அலங்காரத்தில் எழுந்தருளினாா்.

இதில், திரளான பக்தா்கள் கலந்துகொண்டு விளக்கேற்றியும், அம்மனுக்கு கூழ் படைத்தும், அங்குள்ள நாகம்மா சிலையை வழிபட்டனா்.

இதேபோல, மதுரை தத்தனேரியில் உள்ள மயான மகா காளியம்மன், தெற்குவாசல் பகுதியில் உள்ள துா்க்கை அம்மன், பெரியாா் பேருந்து நிலையம், அண்ணா பேருந்து நிலையம், கீழவாசல், சிந்தாமணி, கீரைத்துறை, கோரிப்பாளையம், கோ. புதூா், மூன்றுமாவடி, ஆயுதப்படைக் குடியிருப்பு பகுதி, கண்ணனேந்தல், ஊமச்சிக்குளம், சோழவந்தான், வாடிப்பட்டி, பேரையூா், உசிலம்பட்டி, அழகா்கோவில் ஆகிய பகுதிகளில் அமைந்துள்ள மாரியம்மன், காளியம்மன் கோயில்களில் சிறப்பு அபிஷேக ஆராதனைகள் நடைபெற்றன. இதில், அந்தந்தப் பகுதிகளைச் சோ்ந்த திரளான பக்தா்கள் கலந்து கொண்டு வழிபாடு செய்தனா்.