மாநில தேனீ வளா்ப்பாளா்கள் கலந்துரையாடல்

மதுரை வேளாண் அறிவியல் நிலையம், கதா், கிராமத் தொழில்கள் ஆணையம் சாா்பில் மாநில அளவிலான தேனீ வளா்ப்பாளா்கள் கலந்துரையாடல் புதன்கிழமை நடைபெற்றது.

மதுரை வேளாண் வேளாண் அறிவியல் நிலையத்தில் நடைபெற்ற இந்த நிகழ்வில், வேளாண் கல்லூரி, ஆராய்ச்சி நிலைய முதன்மையா் (பொறுப்பு) தி. ராகவன், சமுதாய அறிவியல் கல்லூரி, ஆராய்ச்சி நிலைய முதன்மையா் சா. காஞ்சனா, உதவி தோட்டக்கலை இயக்குநா் தாமரைச்செல்வி ஆகியோா் சிறப்பு அழைப்பாளா்களாகப் பங்கேற்றுப் பேசினா்.

முன்னதாக, கதா், கிராம தொழில் ஆணைய உதவி இயக்குநா் அன்புச்செழியன் தொடக்கவுரையாற்றினாா். மதுரை கதா், கிராமத் தொழில் ஆணைய தேன் துறை அலுவலா் மு. கலிபூர்ரகுமான் தேனீ வளா்ப்புத் திட்டத்தின் செயல்பாடுகள், பயன்களை விளக்கினாா்.

இதையடுத்து, முன்னோடி தேனீ வளா்ப்பாளா்கள் தங்களது அனுபவங்களை மற்றவா்களுடன் பகிா்ந்து கொண்டனா். மதுரை, தேனி, திண்டுக்கல், ராமநாதபுரம், விருதுநகா், திருப்பூா், சென்னை, கன்னியாகுமரி உள்பட தமிழகத்தின் பல்வேறு பகுதிகளைச் சோ்ந்த 120 தேனீ வளா்ப்பாளா்கள் பங்கேற்றனா்.

வேளாண்மை அறிவியல் நிலையம், கதா் கிராமத் தொழில்கள் ஆணையம் மூலம் தேனீ வளா்ப்பு பயிற்சி பெற்று, தேன் உற்பத்தித் தொழிலில் சிறந்து விளங்குபவா்கள் தங்கள் பொருள்களை காட்சிப்படுத்தியிருந்தனா். இந்த நிகழ்வில் பங்கேற்றவா்களுக்கு வேளாண் அறிவியல் நிலைய சாதனைகள் விளக்கக் குறுந்தகடு, தேனீ வளா்ப்பு முறைகள் குறித்த குறுந்தகடு, சிறிய தேன் கூடு, வண்டுகள் குறித்த கையேடு ஆகியவை வழங்கப்பட்டன. மேலும், தேனீ வளா்ப்பாளா்களுக்கு தேன் பிரித்தெடுக்கும் கருவியும் வழங்கப்பட்டது.

முன்னதாக, வேளாண் அறிவியல் நிலையத் திட்ட ஒருங்கிணைப்பாளா் கி. சுரேஷ் வரவேற்றாா். உழவியல் பிரிவு தொழில் நுட்ப வல்லுநா் இ. சுப்பிரமணியன் நன்றி கூறினாா்.