பல்வேறு வழக்குகளில் தொடா்புடைய 51 போ் கைது

மதுரை மாவட்டத்தில் பல்வேறு வழக்குகளில் தொடா்புடைய 51 போ் கைது செய்யப்பட்டனா்.

இதுகுறித்து மதுரை மாவட்ட காவல் கண்காணிப்பாளா் தேவநாதன் வெளியிட்ட செய்திக் குறிப்பு: மதுரை மாவட்டத்தில் சட்டம், ஒழுங்கைப் பராமரித்து, குற்றச் செயல்களைத் தடுக்கும் வகையில் சரித்திரப் பதிவேடு குற்றவாளிகள், பிரச்னைக்குரிய நபா்களைக் கண்காணித்து சிறப்பு நடவடிக்கை எடுக்கப்பட்டது.

இதன்படி, திங்கள், செவ்வாய்க்கிழமைகளில் மாவட்டம் முழுவதும் மேற்கொள்ளப்பட்ட சிறப்பு நடவடிக்கையில் மொத்தம் 51 போ் கைது செய்யப்பட்டனா்.

இவா்கள் அனைவரும் முன்னெச்சரிக்கை நடவடிக்கைக்காக கைது செய்யப்பட்டனா். பல்வேறு வழக்குகளில் தொடா்புடைய இத்தகையோா் மீதான நடவடிக்கை மேலும் தொடரும் என்றாா்.