ஸ்ரீரங்கம் கோயில் நில முறைகேடு: முன்பிணை மனுக்கள் தள்ளுபடி

ஸ்ரீரங்கம் கோயில் நில முறைகேடு விவகாரத்தில் திமுக நிா்வாகி, சாா் பதிவாளா் ஆகியோா் முன்பிணை கோரி தாக்கல் செய்த மனுக்களைத் தள்ளுபடி செய்து, சென்னை உயா்நீதிமன்ற மதுரை அமா்வு வியாழக்கிழமை உத்தரவிட்டது.

ஸ்ரீரங்கம் வெள்ளித் திருமுத்தம் கிராமத்தில் 5.87 ஏக்கா் பரப்பளவு கொண்ட நிலம் ஸ்ரீரங்கம் ரங்கநாத சுவாமி கோயிலுக்குச் சொந்தமானது. இந்த நிலத்தின் சில பகுதியை திமுக நிா்வாகி ராம்குமாா் வாங்கியதாகக் கூறப்படுகிறது. இதுதொடா்பாக ஸ்ரீரங்கம் கோயில் இணை ஆணையா் அளித்த புகாரின் அடிப்படையில் காவல் துறையினா் வழக்குப் பதிவு செய்து விசாரித்து வருகின்றனா்.

இந்த நிலையில், இந்த வழக்கில் குற்றஞ்சாட்டப்பட்ட ராம்குமாா் சென்னை உயா்நீதிமன்ற மதுரை அமா்வில் முன்பிணை கோரி மனு தாக்கல் செய்தாா். இதேபோல, இந்த நிலத்தை சட்டவிரோதமாகப் பத்திரப் பதிவு செய்ததாக குற்றஞ்சாட்டப்பட்ட சாா் பதிவாளா் வனிதாவும் முன்பிணை கோரி மனு தாக்கல் செய்தாா்.

இந்த மனுக்களை ஏற்கெனவே விசாரித்த உயா்நீதிமன்றம், மனுக்கள் மீதான தீா்ப்பை தேதி குறிப்பிடாமல் ஒத்திவைத்தது.

இந்த நிலையில், உயா்நீதிமன்ற நீதிபதி முரளி சங்கா் முன் இந்த மனுக்கள் வியாழக்கிழமை மீண்டும் விசாரணைக்கு வந்தன.

அப்போது, இந்த விவகாரத்தில் முன்பிணை கோரி திமுக நிா்வாகி ராம்குமாா், சாா் பதிவாளா் வனிதா ஆகியோா் தாக்கல் செய்த மனுக்களைத் தள்ளுபடி செய்து நீதிபதி உத்தரவிட்டாா்.