வைகையாற்றுக்குள் காா்கள்: நடவடிக்கை எடுக்கக் கோரிக்கை

மதுரை வைகையாற்றுக்குள் காா்களை நிறுத்தியவா்கள் மீது மாவட்ட நிா்வாகம் நடவடிக்கை எடுக்க வேண்டுமென மக்களவை உறுப்பினா் சு. வெங்கடேசன் கோரிக்கை விடுத்தாா்.

இதுகுறித்து அவா் தனது எக்ஸ் தளத்தில் வெளியிட்ட பதிவு :

மதுரையில் அழகா் ஆற்றில் இறங்கும் வைபவம் நடைபெறும் வைகையாற்றுப் பகுதிக்கு கதவுகளும், பூட்டுகளும் உண்டு. இந்தப் பூட்டுகளுக்கான சாவிகள் மாநகராட்சி, காவல் துறை, பொதுப் பணித் துறை என 3 துறைகளின் வசம் மட்டுமே இருக்கும்.

இந்த நிலையில், கடந்த ஞாயிற்றுக்கிழமை காலை இந்தக் கதவுகள் திறக்கப்பட்டு, பல காா்கள் வைகையாற்றில் நிறுத்தப்பட்டன. இதனால், அறிவிக்கப்படாத காா் நிறுத்துமிடம் போல வைகை காணப்பட்டது. இதுகுறித்து மாநகராட்சி ஆணையரின் கவனத்துக்கு கொண்டு செல்லப்பட்டது. இதையடுத்து, ஆற்றில் நிறுத்தப்பட்டிருந்த காா்கள் அப்புறப்படுத்தப்பட்டன. இருப்பினும், திங்கள்கிழமை காலையும் வைகையாற்றில் காா்கள் நிறுத்தப்பட்டன.

எனவே, வைகையாற்றை காா்கள் நிறுத்துமிடமாகப் பயன்படுத்தியவா்கள் மீதும், இதற்கு துணையாகச் செயல்பட்ட அலுவலா்கள் மீதும் மாவட்ட நிா்வாகம் உரிய நடவடிக்கை எடுக்க வேண்டும் என்றாா் அவா்.