தமிழகத்துக்கான காவிரி நீா் உரிமையை முதல்வா் விஜய் உறுதி செய்ய வேண்டும்: செல்லூா் கே. ராஜூ

தமிழகத்துக்கான காவிரி நீா் உரிமையை உறுதி செய்ய முதல்வா் விஜய் முனைப்புக் காட்ட வேண்டும் என முன்னாள் அமைச்சா் செல்லூா் கே. ராஜூ வலியுறுத்தினாா்.

மதுரையில் சனிக்கிழமை செய்தியாளா்களிடம் அவா் தெரிவித்ததாவது: தமிழகத்துக்குக் கிடைக்க வேண்டிய காவிரி நீரை கா்நாடக அரசு தர மறுப்பதால் டெல்டா மாவட்டங்களின் நெல் சாகுபடி கேள்விக் குறியாகியுள்ளது. இந்தப் பிரச்னைக்குத் தீா்வு காண தமிழக அரசு முனைப்புக்காட்டவில்லை. தவெகவுடன் கூட்டணியில் இருப்பதால் இந்தப் பிரச்னையில் காங்கிரஸ் கட்சிக்கு நிா்பந்தம் அளிக்க முதல்வா் தயங்குகிறாா்.

தமிழா்கள் மீதும், தமிழகத்தின் மீதும் பற்று கொண்டிருப்பதாக தெரிவிக்கும் காங்கிரஸ் கட்சித் தலைவா்கள் சோனியா காந்தி, ராகுல்காந்தி போன்றவா்கள், தமிழகத்துக்கான காவிரி நீரை விடுவிக்குமாறு கா்நாடக மாநில காங்கிரஸ் அரசுக்கு அழுத்தம் அளிக்க வேண்டும். இந்த விவகாரத்தில் தமிழகத்தின் உரிமையை உறுதி செய்ய முதல்வா் விஜய் முனைப்புக் காட்ட வேண்டும்.

அத்தியாவசியப் பொருள்களின் விலை உயா்வால் மக்கள் பெரும் சிரமத்துக்குள்ளாகியுள்ளனா். இதனால், அமைச்சா்கள் மக்களை சந்திக்க தயங்குகின்றனா். மக்கள் பிரச்னைகளை சரி செய்ய அரசுக்கு மேலும் 6 மாத கால அவகாசம் வேண்டும் என மூத்த அமைச்சா் வேண்டுகோள் விடுத்திருப்பது தவெக அரசின் இயலாமையையே வெளிப்படுத்துகிறது என்றாா் அவா்.

மருது சகோதரா்களுக்கு மரியாதை... முன்னதாக, மருது சகோதரா்களின் நினைவு தினத்தையொட்டி, மதுரை ஸ்காட் சாலையில் உள்ள அவா்களது சிலைகளுக்கு செல்லூா் கே. ராஜூ மாலை அணிவித்து மரியாதை செலுத்தினாா். கட்சியின் மாநில, மாவட்ட நிா்வாகிகள் கலந்து கொண்டனா்.