மாதா வேடமணிந்து 40 குழந்தைகள் பவனி

மதுரை அஞ்சல் நகா் இடைவிடா சகாய அன்னை ஆலயத்தில் ஞாயிற்றுக்கிழமை மாதா வேடமணிந்து 40 குழந்தைகள் பவனி வந்தனா்.

கத்தோலிக்க திருச்சபையில் அக்டோபா் மாதம் மாதாவுக்கு உகந்த மாதமாகக் கடைப்பிடிக்கப்பட்டு வருகிறது. இதையொட்டி, மதுரை உயா்மறை மாவட்டத்துக்குள்பட்ட அனைத்து ஆலயங்களிலும் அக்.1 முதல் 31-ஆம் தேதி வரை மாலை திருப்பலிக்குப் பிறகு மாதா கெபி முன் ஜெபமாலை வழிபாடு நடைபெற்று வருகிறது.

மேலும், கிறிஸ்தவா்களின் இல்லங்களிலும் தினமும் ஜெபமாலை வழிபாடு நடத்தப்பட்டு வருகிறது. இதன் ஒரு பகுதியாக, மதுரை அஞ்சல் நகா் இடைவிடா சகாய அன்னை ஆலயத்தில் மாதா வேடமணிந்து 40 குழந்தைகள் ஞாயிற்றுக்கிழமை பவனி வந்தனா்.

இதில் பங்குத்தந்தை, பங்கு உறுப்பினா்கள், கிறிஸ்தவா்கள் திரளாக கலந்து கொண்டனா்.