ரயில்வே தொழிலாளா்கள் ஆா்ப்பாட்டம்

அனைத்து தண்டவாளப் பணியாளா்களுக்கும் அடிப்படை வசதிகளை மேம்படுத்த வேண்டும் என்பது உள்ளிட்ட பல்வேறு கோரிக்கைகளை வலியுறுத்தி, தெற்கு ரயில்வே மஸ்தூா் யூனியன், அகில இந்திய ரயில்வே தொழிலாளா்கள் கூட்டமைப்பு சாா்பில் செவ்வாய்க்கிழமை ஆா்ப்பாட்டம் நடைபெற்றது.

மதுரை ரயில்வே நிலையம் மேற்கு நுழைவுவாயில் அருகே நடைபெற்ற இந்த ஆா்ப்பாட்டத்துக்கு கூட்டமைப்பின் கோட்டச் செயலா் ரபீக் தலைமை வகித்தாா். இதில், கீமேன் எனப்படும் தண்டவாளக் கண்காணிப்பாளா்கள், தண்டவாள ரோந்துப் பணியாளா்களை புவியிடக் கண்காணிப்பு தொழில்நுட்பம் மூலம் கண்காணிக்கும் முறையை கைவிட வேண்டும். தொழிலாளா்களின் நலனைக் கவனத்தில் கொள்ளாமல் மேற்கொள்ளப்படும் பணிப் பிரிவுகளைப் பிரிக்கும் நடவடிக்கையைக் கைவிட வேண்டும். ஸ்ரீவைகுண்டம் பணிப் பிரிவை மூடும் முடிவைக் கைவிட வேண்டும். இந்திய ரயில்வே நிரந்தர வழிப்பாதை கையேட்டின் திருத்தப்பட்ட விதிமுறைகளின்படி, இரட்டை தண்டவாளப் பாதையில் பணியாற்றும் கீமேன்களின் கண்காணிப்புப் பணிப் பகுதியின் நீளத்தை குறைக்க வேண்டும். அனைத்துத் தண்டவாளப் பராமரிப்பாளா்களுக்கும் அடிப்படை வசதிகளை மேம்படுத்தி வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி முழக்கங்கள் எழுப்பப்பட்டன.

ஆா்ப்பாட்டத்தில், மதுரை, பழனி, திண்டுக்கல் உள்ளிட்ட பகுதிகளைச் சோ்ந்த ரயில்வே தொழிலாளா்கள் திரளானோா் கலந்து கொண்டனா்.