ஆடுகள் திருட்டு: 3 பேர் கைது

திருவாடானை அருகே ஆடுகள் திருடியதாக 3 பேர் கைது செய்யப்பட்டனர்.

 திருவாடானை தாலுகா குஞ்சங்குளம் கிராமத்தைச் சேர்ந்தவர் சூசை (55). இவர் வீட்டின் அருகே கட்டப்படிருந்த 2 வெள்ளாடுகளை வியாழக்கிழமை இரவு மர்ம நபர்கள் திருடிச் சென்று விட்டனராம். அதே போல் வெளியங்குடி கிராமத்தைச் சேர்ந்த குழந்தை (58) என்பவரின் வீட்டின் அருகே கட்டப்பட்டிருந்த 2 வெள்ளாடுகளும் திருடப்பட்டனவாம்.

 இது குறித்த புகாரின் பேரில் திருவாடானை போலீஸார் வழக்குப் பதிந்து நெட்டேந்தல் கிராமத்தை சேர்ந்த பாக்கியராஜ் (25), தேவகோட்டையை சேர்ந்த பழனிக்குமார் (35) நாகாச்சியைச் சேர்ந்த ராமகிருஷ்ணன் (25) ஆகிய 3 பேரை கைது செய்து விசாரித்து வருகின்றனர்.