கல்லூரியில் விளையாட்டு விழா

பரமக்குடி அழகப்பா பல்கலைக் கழக கலை மற்றும் அறிவியல் கல்லூரியில் விளையாட்டு விழா வியாழக்கிழமை நடைபெற்றது. விழாவுக்கு கல்லூரியின் முதல்வர் ந.ஞானதிரவியம் தலைமை வகித்தார். உடற்கல்வி இயக்குநர் எம்.செல்வம் வரவேற்றார்.

  மாணவ-மாணவிகளுக்கிடையே ஓட்டப்போட்டி, குண்டு எறிதல், வட்டு ஏறிதல், தடை ஓட்டம் உள்பட பல்வேறு தனித்திறன் போட்டிகளும், குழு போட்டிகளும் நடைபெற்றன. போட்டிகளில் வெற்றிபெற்ற மாணவர்களுக்கு ஆர்.எஸ்.அரசு ஆண்கள் மேல்நிலைப் பள்ளி தலைமையாசிரியர் ஏ.வி.மீனாட்சிசுந்தரம் நினைவு பரிசுகளுடன் சான்றிதழ்கள் வழங்கினார்.

  விழாவில் கல்லூரி பேராசிரியர்கள், மாணவ-மாணவிகள் கலந்துகொண்டனர்.