ராமநாதபுரத்தில் கூட்டுறவுத்துறை ஊழியர்கள் ஆர்ப்பாட்டம்

ராமநாதபுரம் மாவட்ட ஆட்சியர் அலுவலகம் முன்பாக பல்வேறு கோரிக்கைகளை வலியுறுத்தி தமிழ்நாடு கூட்டுறவுத்துறை ஊழியர் சங்கத்தின் சார்பில் வியாழக்கிழமை ஆர்ப்பாட்டம் நடைபெற்றது.
  கூட்டுறவுச் சங்க நிர்வாகக்குழு தேர்தலில் முறைகேடுகள் செய்யுமாறு ஊழியர்களை அச்சுறுத்தும் அரசியல்வாதிகள் மற்றும் அதிகாரிகள் மீது தக்க நடவடிக்கை எடுக்க வேண்டும். கூட்டுறவுச் சங்க தேர்தல் பார்வையாளராக ஆட்சியரை நியமிக்க வேண்டும். கூட்டுறவுத் தேர்தலின் போது ஊழியர்கள் தாக்கப்பட்டதற்கும்  கண்டனம் தெரிவிப்பது உள்லிட்ட கோரிக்கைகளை வலியுறுத்தி ஆர்ப்பாட்டம் நடைபெற்றது.  ஆர்ப்பாட்டத்துக்கு தமிழ்நாடு கூட்டுறவு ஊழியர் சங்கத்தின் மாவட்டத் தலைவர்  பா.ராஜமூர்த்தி தலைமை வகித்தார். மாவட்ட செயலாளர் எஸ்.ரவிச்சந்திரன் முன்னிலை வகித்தார்.  அரசு  ஊழியர் சங்க மாவட்டத் தலைவர் கருணாநிதி, முன்னாள் மாவட்ட செயலாளர் கணேசமூர்த்தி, சத்துணவு ஊழியர் சங்க மாவட்ட செயலாளர் மணிமொழி, கரூவூல கணக்குத்துறை அலுவலர் சங்க மாநில செயலாளர் முருகேசன், கூட்டுறவுத்துறை ஊழியர் சங்க முன்னாள் மாவட்ட செயலாளர் கெங்காதரன்  உள்பட பலரும் கலந்து கொண்டனர்.