காவிரி கூட்டுக் குடிநீர் குழாய் சேதம்: கிராமங்களுக்கு குடிநீர் விநியோகம் பாதிப்பு

கமுதி அருகே காவிரி கூட்டுக் குடிநீர் குழாய் உடைந்து தண்ணீர் வீணாவதால் கிராமங்களில் குடிநீர் விநியோகம் பாதிக்கப்பட்டுள்ளது.
கமுதி அடுத்துள்ள பேரையூர்,-பாக்குவெட்டி, கருங்குளம் வழியாக கமுதிக்கு மிகப் பெரிய குழாய்கள் மூலம் காவிரி கூட்டுக் குடிநீர் திட்டத்தின் கீழ் குடிநீர் கொண்டு செல்லப்படுகிறது. சாலையோரங்களில் உள்ள இதன் குழாய்கள் அடிக்கடி வாகன போக்குவரத்தால் சேதமடைந்து குடிநீர் வீணாகிறது.
இதனால், கமுதி, பாக்குவெட்டிக்கு குடிநீர் விநியோகத்தில் தொய்வு ஏற்பட்டுள்ளது. மேலும் குழாய்கள் பழுது காரணமாக குடிநீர் வடிகால் வாரியத்திற்கு அதிக செலவும் ஏற்படுகிறது. எனவே சேதமடைந்துள்ள குடிநீர் குழாய்களை புதிதாக மாற்றியமைத்து,கிராமங்களுக்கு சீராக குடிநீர் விநியோகம் செய்ய அப்பகுதி பொதுமக்கள் கோரிக்கை வைத்துள்ளனர்.