ராமேசுவரம் கோயிலுக்கு வந்த கேரள பெண் பக்தர் திடீர் சாவு

ராமேசுவரம் ராமநாதசுவாமி கோயிலுக்கு  ஞாயிற்றுக்கிழமை சுவாமி தரிசனம் செய்ய வந்த கேரள பெண் பக்தர்  திடீரென உடல் நலம் பாதிக்கப்பட்டு உயிரிழந்தார். இதையடுத்து கோயிலில் பரிகார பூஜைகள் செய்யப்பட்டன.
   கேரள மாநிலம் பாலக்காடு அத்திக்ரோடு பகுதியைச் சேர்ந்த பிரேம்குமார், மனைவி சுதாதேவி மற்றும் குடும்பத்தினருடன் சுவாமி தரிசனம் செய்த ஞாயிற்றுக்கிழமை காலை வந்தார். அவர்கள் இரவு 8 மணிக்கு மேல் சுவாமி தரிசனம் செய்ய சென்றுள்ளனர். சுதாதேவி இரவு வரை உணவருந்தாமல் விரமிருந்தாராம். இந்நிலையில்  சுதாதேவி சுவாமி சன்னதியில் மயங்கி விழுந்துள்ளர். இதனையடுத்து, அங்கிருந்த அலுவலர்கள் மற்றும் உறவினர்கள் சக்கர நாற்காலியில் அவரை அமர வைத்து ஆம்புலன்ஸ் மூலம் அருகில் உள்ள மருத்துவமனைக்கு கொண்டு சென்றனர். மருத்துவமனையில் அவரை பரிசோதனை செய்த மருத்துவர்கள் அவர் இறந்து விட்டதாக தெரிவித்துள்ளனர்.   கோயிலுக்குள் மயங்கிய நிலையில் அழைத்து செல்லப்பட்டதால் கோயிலுக்குள் இறந்திருக்கலாம் என்பதால் நடை அடைக்கப்பட்டு பரிகார பூஜைகள் செய்யப்பட்டது. பின்னர் வழக்கம் போல் நடை திறந்து பூஜைகள் செய்தனர். இது குறித்து கோயில் காவல்துறையினர் வழக்குப் பதிவு செய்து விசாரணை மேற்கொண்டு வருகின்றனர்.