ராமநாதபுரத்தில் ஆரம்பப்பள்ளி ஆசிரியர் கூட்டணியினர் ஆர்ப்பாட்டம்

ராமநாதபுரம் அரண்மனை முன்பாக தமிழ்நாடு ஆரம்பப்பள்ளி ஆசிரியர் கூட்டணியின் சார்பில் பல்வேறு கோரிக்கைகளை வலியுறுத்தி புதன்கிழமை ஆர்ப்பாட்டம் நடைபெற்றது.
ஆர்ப்பாட்டத்துக்கு கூட்டணியின் மாவட்ட தலைவர் எம்.முனியசாமி தலைமை வகித்தார். மாவட்ட செயலாளர் எஸ்.முத்துமுருகன் முன்னிலை வகித்தார். மாநிலத் துணைத் தலைவர் டி.ஜோசப் ரேஸ் கோரிக்கைகளை விளக்கி பேசினார்.
கிராமப்புற பள்ளிகள் மூடுவதை அரசு கைவிட வேண்டும், மருத்துவக் காப்பீட்டுத் திட்டத்தில் முழுமையான சிகிச்சைக்குரிய பணம் வழங்கப்பட வேண்டும், கலந்தாய்வு விதிமுறைகளுக்கு உட்பட்டு முறையாக நடத்தப்பட வேண்டும்  என்பது உள்ளிட்ட கோரிக்கைகளை விளக்கி ஆர்ப்பாட்டம் நடைபெற்றது. மாவட்டப் பொருளாளர் எஸ்.அருள் நன்றி கூறினார்.