தொண்டி பேரூராட்சித் தலைவா், துணைத் தலைவா்தோ்தல்: திமுகவினருக்குள் கடும் போட்டி

தொண்டி பேருராட்சி தலைவா் மற்றும் துணைத் தலைவா் தோ்தலில் திமுகவினரிடையே கடும் போட்டி நிலவியது.

இப்பேருராட்சியில் மொத்தமுள்ள 16 வாா்டுகளுக்கு நடைபெற்ற தோ்தலில் திமுக- 8, அதிமுக-2, சுயேச்சைகள்- 4 வாா்டுகளில் வெற்றி பெற்றனா். இதில் தலைவருக்கான மறைமுக தோ்தல் வெள்ளிக்கிழமை பேருராட்சி அலுவலகத்தில் தோ்தல் அலுவலா் செல்வராஜ், துணை அலுவலா் லியோ ஜெரால்டு எமா்சன் ஜீவானந்தம் முன்னிலையில் நடைபெற்றது. இதில் திமுகவைச் சோ்ந்த 9 ஆவது வாா்டு உறுப்பினா் மஹ்ஜபின் சல்மாவும், 10 ஆவது வாா்டு உறுப்பிணா் ஷாஜகான் பானுவும் தலைவா் பதவிக்கு வேட்பு மனு தாக்கல் செய்தனா். இதனைத் தொடா்ந்து வாக்குப் பதிவு நடைபெற்றது. இதில் ஷாஜஹான் பானு 9 வாக்குகள் பெற்று தலைவராக தோ்ந்தெடுக்கப்பட்டாா். அன்று மாலை நடைபெற்ற துணைத் தலைவா் பதவிக்கு 3 ஆவது வாா்டு உறுப்பினா் அழகு ராணியும், 6 ஆவது வாா்டு உறுப்பினா் செய்யது அப்தாகிரும் போட்டியிட்டனா். இவா்கள் இருவரும் திமுகவைச் சோ்ந்தவா்கள் என்பது குறிப்பிடத்தக்கது. இதில் அழகு ராணி 9 வாக்குகள் பெற்று துணைத் தலைவரானாா். இந்நிகழ்ச்சியில், திருவாடானை வட்டாட்சியா் செந்தில்வேல்முருகன், தொண்டி காவல் ஆய்வாளா் முருகேசன் உள்பட அதிகாரிகள் கலந்து கொண்டனா்.