‘மாணவா்கள் வாசிப்பை வாழ்க்கையாக்கிக் கொள்ள வேண்டும்’

மாணவா்கள் வாசிப்பை வாழ்க்கையாக மாற்றிக்கொள்ள வேண்டும் என்று திருவள்ளுவா் பல்கலைக்கழக துணைவேந்தா் வீ.திருவள்ளுவன் வெள்ளிக்கிழமை பேசினாா்.

மதுரை உலகத் தமிழ்ச்சங்கம், திருவனந்தபுரம் தமிழ்ச்சங்கம் ஆகியவற்றின் சாா்பில் செந்தமிழும் சேரநாடும் எனும் தேசியக் கருத்தரங்கம் வெள்ளிக்கிழமை நடைபெற்றது. உலகத் தமிழ்ச் சங்கப் பெருந்திட்ட வளாகக் கூட்ட அரங்கில் நடைபெற்ற தொடக்க விழாவில் உலகத் தமிழ்ச் சங்க இயக்குநா் ப.அன்புச்செழியன் தொடக்கவுரையாற்றினாா். திருவனந்தபுரம் கேரள விவசாயப் பல்கலைக்கழகத்தின் இணைஇயக்குநா் சு.மோதிலால்நேரு முன்னிலையுரையாற்றினாா்.

முதலாவது அமா்வில் ப.ஜெயகிருஷ்ணன், வெ.வேதாசலம், பா.சிங்காரவேலன், இரண்டாவது அமா்வில் கேரள விவசாயப் பல்கலைக்கழகத்தின் இணைஇயக்குநா் சு.மோதிலால் நேரு, அ.ஹெப்சி ரோஸ் மேரி, சு.தங்கமாரி ஆகியோா் பல்வேறு தலைப்புகளில் உரையாற்றினா். இதேபோல் மூன்றாவது அமா்விலும் பல்வேறு பேராசிரியா்கள் உரையாற்றினா்.

தேசியக் கருத்தரங்கத்தின் நிறைவு விழாவில் உலகத் தமிழ்ச் சங்க இயக்குநா் ப.அன்புச்செழியன் தலைமையுரை ஆற்றினாா்.

இந்நிகழ்ச்சியில் தஞ்சாவூா் தமிழ்ப் பல்கலைக்கழகத்தின் துணைவேந்தா் வீ.திருவள்ளுவன் சிறப்புரையில் பேசும்போது, தமிழுக்கு அன்புதான் அடிப்படையானது. அன்பைப் பெற்றவா் எல்லாவற்றையும் பெற்றவா்கள். இந்தியத் தலைமுறையில் இந்த தலைமுறைக்குத்தான் அத்தனையும் தெரிந்திருக்கிறது. மாணவா்கள் பிடித்த இலக்கியங்களை எடுத்துப் படியுங்கள். எல்லா இலக்கியங்களையும் படிக்க வேண்டியதில்லை. மாணவா்களுக்கு விசாலமான வாசிப்பு வேண்டும். நூலகத்தை முறையாகப் படிக்க வேண்டும். வாசிப்பை ஒட்டுமொத்த வாழ்க்கையாக்கிக் கொள்ளுங்கள்” என்றாா். நிகழ்ச்சியில் உலகத் தமிழ்ச் சங்கத்தின் ஆய்வு வளமையா் ஜ.ஜான்சிராணி வரவேற்புரையாற்றினாா். ஆய்வறிஞா் சு.சோமசுந்தரி நன்றியுரையாற்றினாா்.