ராமேசுவரம் மீனவா் உடல் மீட்பு

ராமேசுவரம்: படகிலிருந்து தவறி கடலில் விழுந்து இறந்த ராமேசுவரம் மீனவா் உடல் செவ்வாய்க்கிழமை மீட்கப்பட்டது. ராமநாதபுரம் மாவட்டம், ராமேசுவரம் வீரபத்திர சுவாமி கோயில் தெருவைச் சோ்ந்த மீனவா் காளிபாண்டி(49).

இவா் வழக்கம் போல, திங்கள்கிழமை கடலுக்கு மீன் பிடிக்கச் சென்றபோது, படகிலிருந்து தவறி கடலுக்குள் விழுந்தாா். சக மீனவா்கள் அவரைத் தேடிப் பாா்த்தும் கண்டு பிடிக்க முடியவில்லை. இந்த நிலையில், அவரது உடல் கரை ஒதுங்கியது.

இது குறித்து தகவலறிந்த கடலோர பாதுகாப்புக் குழும போலீஸாா் உடலை மீட்டு ராமேசுவரம் அரசு மருத்துவமனைக்கு கொண்டு சென்றனா். இது குறித்து வழக்குப் பதிந்து செய்து விசாரணை மேற்கொண்டு வருகின்றனா்.