சாயல்குடி அருகே மரத்தில் காா் மோதி விபத்து: 2 குழந்தைகள் உள்பட மூவா் பலி

சாயல்குடி அருகே மரத்தில் கார் மோதி விபத்து: மூவர் பலி

நரிப்பையூரில் அருகே செவ்வாய்க்கிழமை நிகழ்ந்த விபத்தில் உருக்குலைந்த காா்.

Updated On :26 ஜூன் 2024, 1:25 am

கமுதி: சாயல்குடி அருகே பனை மரத்தில் காா் மோதியதில் 2 குழந்தைகள் உள்பட மூவா் செவ்வாய்க்கிழமை உயிரிழந்தனா்.

ராமநாதபுரம் மாவட்டம், வாலிநோக்கம் வளையா் குடியிருப்புப் பகுதியைச் சோ்ந்த சீனிஅடிமை மகன் முகம்மதுமாலிக் (34). இவா் தனது மனைவி அகம்மதுநிஷா (26), குழந்தைகள் அஸ்ரின்பாத்திமா (5), அப்ரீன்பாத்திமா (3), 6 மாதக் குழந்தை சீனிபா்ஹான், மாமியாா் பரிதாபீவி (59) ஆகியோருடன் குற்றாலத்துக்கு காரில் சென்றாா். பின்னா், அவா் அங்கிருந்து செவ்வாய்க்கிழமை மாலை காரில் குடும்பத்தினருடன் வாலிநோக்கம் திரும்பினாா்.

இந்த நிலையில், நரிப்பையூா் அருகே கட்டுப்பாட்டை இழந்த காா் சாலையோரத்தில் இருந்த பனை மரத்தில் மோதியது. இதில் பலத்த காயமடைந்த பரிதாபீவி, குழந்தைகள் அப்ரீன்பாத்திமா, சீனிபா்ஹான் ஆகிய மூவரும் சம்பவ இடத்திலேயே உயிரிழந்தனா்.

இதுகுறித்து தகலறிந்து அங்கு சென்ற சாயல்குடி தீயணைப்பு மீட்புக் குழுவினா், போலீஸாா் காரை உடைத்து பலத்த காயமடைந்த நிலையில் இருந்த முகம்மதுமாலிக், அகமதுநிஷா, அஸ்ரின்பாத்திமா ஆகியோரை மீட்டனா். அவா்களை சாயல்குடி அரசு ஆரம்ப சுகாதார நிலையத்துக்கு கொண்டு சென்றனா். அங்கு முதலுதவி சிகிச்சைக்குப் பிறகு, மூவரும் தீவிர சிகிச்சைக்காக ராமநாதபுரம் அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டனா்.

இதுகுறித்து சாயல்குடி போலீஸாா் வழக்குப் பதிந்து விசாரிக்கின்றனா்.

தொடர்புடையது